Este mércores, a Unión de Federacións Deportivas Galegas (UFEDEGA) e o Colexio Oficial de Psicoloxía de Galicia (COPG) asinaron un acordo de colaboración. Coa sinatura deste convenio, ambas institución traballaran de forma conxunta para poñer en marcha proxectos, accións ou actividades que teñan por obxecto a sensibilización, a formación, a intervención social, a investigación e a organización de accións e eventos.
Ambas as dúas partes comprometéronse a promover accións conxuntas, coordinadas e beneficiosas para ambas as dúas entidades, co fin de obter un desenvolvemento dinámico e efectivo do acordo.
Nunha nota publicada pola UFEDEGA, sinálase que as iniciativas emanadas deste convenio estarán a disposición das Federacións deportivas, clubs, técnicos, árbitros e deportistas galegos, o fin de contribuír na dinamización da actividade federativa deportiva.
O acordo, que se renovará tácita ou expresamente de forma indefinida, tamén estipula a creación dunha comisión formada por membros da UFEDEGA e COPG co obxectivo de tomar decisións operativas e organizativas para a posta en marcha de calquera actuación e proxecto conxunto.
Na firma do convenio estiveron presentes Mª Rosa Álvarez Prada, decana do COPG e Bruno López, vicepresidente da UFEDEGA.
