A Unión de Federacións Deportivas Galegas (UFEDEGA) reuniuse esta tarde para celebrar a súa asemblea anual. O acto celebrouse de maneira presencial nas instalacións da Real Federación Galega de Fútbol en Santiago de Compostela, e aqueles asembleístas que non puideron asistir, tiveron a opción de seguila na plataforma de videoconferencias da UFEDEGA. Na asemblea participaron máis de 30 presidentes das Federacións Deportivas Galegas.
O Presidente da Real Federación Española de Balonmán e Vicepresidente do Comité Olímpico Español, aceptou a invitación da UFEDEGA a participar no acto, aproveitando a súa estadía en Galicia debido aos compromisos da selección absoluta de balonmán. Na súa intervención destacou a importancia que ten estar unidos nestes momentos tan duros.
Na asemblea, ademais da presentación de contas e do informe do presidente, cos correspondentes rogos e preguntas, tamén se presentaron unha serie de propostas para beneficio das Federacións Deportivas, entre elas a creación dunha campaña de promoción do deporte federado galego.
Outro dos puntos importantes aprobados na Asemblea foi a anulación da cota para o ano 2022, a Xunta Directiva da Unión de Federacións Deportivas Galegas así o decidiu trasladar a asemblea, xa que na situación de crise na que nos atopamos, non consideran oportuno engadirlle esta gasto as Federacións Deportivas Galegas.
O presidente da UFEDEGA, Rafael Louzán animou a todas as federacións a seguir traballando en conxunto e perseverou en que todas as federacións deportivas utilicen as ferramentas que a UFEDEGA ofrece.
