O Pescados Rubén Burela son líderes. As pupilas de Julio Delgado conseguiron sumar unha vitoria no seu debut ligueiro en Vista Alegre ante un difícil UA Alicante (2-0), tres puntos que soben ás Guerreiras Laranxas ao cumio clasificatorio do Grupo B da Primeira División do Fútbol Sala Feminino da RFEF. Arestora, as da mariña suman sete puntos, na xornada 4ª.
As pupilas de Julio Delgado foron de menos a máis; gozaron dun minuto de ouro na primeira parte, o 15, para tomar a vantaxe e apropiarse do marcador, nunha cita na que demostraron un gran control, con moitas ocasións, aínda que con resistencia de finalización nos últimos metros. A escuadra mariñá sabía que tiña que ter paciencia ante o complicado Alicante.
A ex das laranxas defendeu á perfección a rede visitante nas primeiras tentativas burelistas, de Peque, en recuperación, e no disparo seco de Lara Balseiro, nos minutos 4 e 5. Jozi tamén mantivo o marcador a cero no 7, facendo acto de presenza para cazar o esférico na maraña da área entre Pao e a defensa local; era a primeira das de Maravillas Sansano.
Antes da medianía do primeiro acto, Dany, a balón parado, e Peque, plantándose fronte a Ana, non puideron adiantarse. Con todo, en tan só un minuto, a insistencia galega ante unha Ana Romero moi oportuna tivo recompensa, cunha xenialidade de Cilene, no 15, e Cristina no 16, nun disparo cruzado ao segundo pau que tocou en Ángela Mingot.
Pao o intentaba por parte do UA Alicante
As alacantinas tiveron a mellor ocasión para recortar antes do descanso no 18, cunha incursión de Pao, que conseguiu desviar Jozi tocando o xusto. Renovouse o xogo en Vista Alegre con cambio en ambas as redes, con máis fluidez nas filas laranxas ante o desgaste visitante.
Sandra Buzón bloqueou ás alacantinas para custodiar a vantaxe local no regreso, no minuto 23 fronte a Sara e despois, no rexeite, ante Rocío.
A 4 galega volveu estar moi atenta ante o potente disparo de Melli. Rozando o ecuador do segundo acto, Cilene tivo o terceiro nunha gran incursión de Dany apoiada en Bea Mateos, desbaratada polas filas alacantinas.
Pouco despois Elena conseguiu frear as intencións no bo entendemento entre Peque e Lara Balseiro. A vaselina de Jenny no 35 tampouco obtivo recompensa.
🙌 Minuto mágico en Vista Alegre
Revive ya los goles del @burelafs 🆚 @UAfutsafemenino
⚽ @cilenefutsal06
⚽ @CristinaPere10 (p.p. Ángela)#Burela #Futsal @SomosFutsal #FutsalHeart🧡 pic.twitter.com/HJ18nfq3xK— Pescados Rubén Burela FS (@burelafs) November 8, 2020
Definitivamente o terceiro das burelistas resistíase. Dany non puido chegar ao pase de Bea Mateos, soas ante Elena. Pouco antes, Rocío tivera unha das mellores para reducir nun disparo demasiado cruzado. Con dous minutos para a bucina final, as visitantes saltaron ao parqué con xogo de cinco con Elenita, sen perigo.
Seguinte reto das líderes, en Vista Alegre, pero co Sala Zaragoza
Próxima cita das líderes de grupo, 21 de novembro Tras o descanso da próxima semana, as Guerreiras Laranxas volverán xogar sobre parqué, coa xornada 5, de novo en Vista Alegre. Será o sábado día 21 de novembro, ás 16.30 horas.
O rival para esa cita deportiva será o Sala Zaragoza, cuarto clasificado na táboa con dous partidos gañados e un perdido dos tres disputados até o momento nesta liga 2020 – 2021.
FICHA TÉCNICA
PESCADOS RUBÉN BURELA FS: Jozi Oliveira, Cilene, Peque, Lara Balseiro, M. Cortés, – cinco inicial- Tamén xogaron:Jenny, Dany, Ale de Paz, Bea Mateos, Cristina, Elena Aragón e Sandra Buzón.
UA ALICANTE FS: Ana Romero, Elenita, Sara, Melli, Rocío – cinco inicial- Tamén xogaron: Ángela, Lara, Pao, Anita, Miriam, Raquel e Elena.
GOLES: 1-0, minuto 15, Cilene; 2-0, minuto 16, Cristina (propia porta Ángela)
ÁRBITROS: Gallo Suárez e Hevia Campa.
Incidencias: Partido correspondente á jornada 4ª da Primeira División do Fútbol Sala Feminino da RFEF disputado no Pavillón de Vista Alegre, en Burela, a porta pechada. O encontro supuxo a apertura da competición ligueira na Bombonera. Nesta cita, o alcalde do Concello de Burela, Alfredo Llano, fixo entrega dun detalle conmemorativo do título de Liga 2019 – 2020 ás campioas locais, recibido sobre a pista burelista polo presidente do club, Manuel Blanco, e a capitana das Guerrerias Laranxas, Peque.
☀️ Buenos días #FamiliaLaranxa, qué emoción levantarse líderes 🤗.#FelizDomingo🧡 pic.twitter.com/6WceS83Y0j
— Pescados Rubén Burela FS (@burelafs) November 8, 2020
