O Castro volve de Iruña sen premio. As pupilas de Martínez caeron no polideportivo Arrosadía por un contundente 4-0 ante un Txantrea moi sólido que non deu opciones ás de Castro de Rei. As galegas tiñan a oportunidade de arrebatar o cuarto posto ás de pamplona pero non foron capaces de puntuar na súa pista. “Creo que o Txantrea é o merecedor desa cuarta praza”, comentaba o adestrador galego do Castro tras o pitido final.
Martínez, adestrador do Castro: “Non podemos dicir nada, hoxe perdimos merecidamente ante un gran rival. Non entramos ben no partido e enseguida vímonos cun gol en contra”.
O cadro galego non entrou ben ao partido e froito desa descoordinación e falta de intensidade, as lucenses recibiron os catro goles do partido durante os primeiros 20 minutos. Tras o tempo de lecer “púidose ver un Castro mellor pero non tivemos acerto para gol”, tal e como relataba o mister galego.
Martínez, adestrador do Castro: “As nosas rotacións son moi curtas e iso nótase. No descanso tentamos subir a moral do equipo e reaccionar pero non fomos capaces de darlle volta ao marcador”.
As de Castro de Rei, a pesar de mostrar unha visible melloría na segunda metade, non foi quen de materializar as ocasión e foise da Arrosadía sen agasallo e co marcador a cero ao seu favor. Con esta derrota, as de Martínez seguen como quintas clasificadas e o Txantrea amplia a cinco a distancia co cadro galego polo cuarto posto.
Martínez, adestrador do Castro: “O Txantrea foi moi superior a nós. Na segunda púidose ver un Castro mellor pero non tivemos acerto para gol”.
