Perder, e facelo na casa nun partido clave, non gusta a ninguén. Pero pasa. Aconteceulle hoxe ao Dépor ABANCA que afrontaba nunha mañá solleira na Cidade Deportiva de Abegondo con toda a ilusión do mundo ante un rival directo e rematou caendo derrotado, pola mínima (1-2), pero derrotado.
Co golaverage particular abaixo após o 2-0 na ida e 3 puntos de desvantaxe, a vitoria branquiazul, e a poder ser con diferenza, era unha necesidade para poder seguir loitando polo ascenso de categoría. Non aconteceu. Con esta derrota as coruñesas poden terse deixado boa parte das súas opcións de ascenso nesta Liga Reto Iberdrola 2021-22.
Naceu o choque con moita igualdade e cos dous conxuntos movendo o balón con dificultade. Con todo, o Dépor ABANCA atopou o xeito de abrir a lata. E o fixo axina. Corría minuto sete de partido cando un pase de Ainhoa Marín chegaba ás botas de Alba Merino, a capitá internouse na área e rematou optando por un tiro cruzado co que superou a Paula Myllyoja na súa saída (1-0).
#DéporABANCARCDEspanyol: camiño do primeiro cuarto de partido en #Abegondo!
🦋 #VoemosXuntas 💙 #MoitoPorVivir pic.twitter.com/gUjGYxNaga
— RC Deportivo (@RCDeportivo) April 30, 2022
Pintaba ben o encontro pero aínda quedaban moitos minutos por diante. Houbo chegadas de ambos os dous equipos. O gol do empate chegou no minuto 27. A raíz dunha falta botada colgando o esférico ao punto de penalti para que, de cabeza, rematase Xènia Pérez primeiro ao pau e finalmente anotase o gol que devolvía as táboas ao marcador da Cidade Deportiva de Abegondo.
Para rematar de afogar as aspiracións das galegas, as pericas puidéronse pór por diante un minuto despois nunha rápida contra pola esquerda que non puido rematar Ariadna Sánchez soa no punto de penalti e que a súa compañeira Tamilia Khimych mandou fóra a porta baleira. Viñan mal dadas. Non ía ser doado facerse coa vitoria.
O partido, con mudou tras o descanso e continuou polos mesmos camiños ata que o RCD Espanyol case calcou a acción do seu primeiro gol. Alba Merino acababa de deixar o seu sitio a Laura Fernández cando unha falta lateral colgada ao punto de penalti atopou a cabeza de Daniela Caracas. A diferenza do primeiro gol o seu remate non foi directo, senón que serviu coa testa á súa compañeira Adrina Marín que, de suave volea co interior, puxo por diante ao conxunto visitante con algo máis de media hora por diante de partido (1-2).
Unha hora de encontro do #DéporABANCARCDEspanyol en #Abegondo!
🦋 #VoemosXuntas 💙 #MoitoPorVivir pic.twitter.com/EJ3kevRFFH
— RC Deportivo (@RCDeportivo) April 30, 2022
Non foron quen as xogadoras que adestra Miguel Llorente de empatar e menos aínda de darlle a volta ao marcador. E iso que houbo ocasións branquiazuis, como a falta botada por Paula Gutiérrez que María Ruiz rematou alto. Tampouco tivo a sorte de cara Ainhoa Marín nunha contra na que superou por encima a saída de Paula Myllyoja.
Pola contra, estivo por chegar o 1-3 para o RCD Espanyol, aínda que non acontenceu e o partido rematou o seu tempo con derrota pola mínima das coruñesas en terras de Abegondo.
Este resultado fai que o Dépor ABANCA case diga adeus ao ascenso. As galegas deben traballar agora para conservar as primeiras prazas para evitar o play-out de descenso, algo que non se poden permitir.
#ASNOSAS | O Dépor ABANCA a Abegondo mañá domingo ás 11:30 h. https://t.co/GdQT4Lzhsr pic.twitter.com/4Vlhag6im2
— RC Deportivo (@RCDeportivo) April 30, 2022
Seguinte rival do Dépor, o Sporting de Gijón
As Nosas regresan ao traballo á Cidade Deportiva de Abegondo mañá domingo 1 de maio ás 11:30. Miguel Llorente dirixirá unha sesión que será de recuperación para as titulares desta xornada e máis intensa para o resto do cadro.
A próxima fin de semana, o conxunto branquiazul visita ao Sporting de Gijón o sábado ás 18:00 h. en Mareo en partido correspondente á 27ª xornada no grupo norte de Reto Iberdrola.
FICHA TÉCNICA
1) DÉPOR ABANCA: Ana Valles, Carlota Sánchez, Inés Altamira, Raquel García, Goretti Neira (Andrea Sierra, min. 63), Alba (Laura Fernández, min. 54), Paula Gutiérrez, Eva Dios (Jone Ibáñez, min. 46), Ainhoa Marín, Aroa Guerra (Vika Hiryn, min. 86) e María Ruiz
2) RCD ESPANYOL: Paula Myllyoja, Sara Extremera (Maya Yamamoto, min. 86), Xènia Pérez, Nayadet López, Cristina Baudet, Tamilia Khimych (Judit Pablos, min. 59), Carol Marín (Laia Troncoso, min. 86), Adriana Martín, Júlia Guerra, Daniela Caracas e Ariadna Sánchez (Clara de Clemente, min. 70)
GOLES: 1-0 Alba Merino (min. 7); 1-1 Xènia Pérez (min. 27); 1-2 Adriana Martín (min. 55)
EQUIPO ARBITRAL: Rodrigo García (c. Galego). Amoestou a Tamilia Khimych (min. 59), Ainhoa Marín (min. 67), Jone (min. 76), Adriana Martín (min. 83) e expulsou ao técnico visitante Francesc Soriano (min. 90)
INCIDENCIAS: Partido da 26ª xornada de Reto Iberdrola disputado na Cidade Deportiva de Abegondo ante uns 500 espectadores.
