Tropezo do Durán Maquinaria Ensino diante dun rival directo na loita polos play-offs, o Kutxabank Araski. As galegas perdía por 82-65 na cancha de Mendizorroza (Vitoria-Gasteiz).
As de Álava foron un rivail que recobrou o soriso logo dun tempo sen bos resultados e fixerónno a costa das galegas, que viñan de gañar ao Embutidos Pajariel Bembibre (84-62). O Kutxabank Araski gañou ao Durán Maquinaria Ensino conseguindo ademais levarse o average contra dun rival directo por conseguir entrar ao play-off da liga Feminina Endesa.
No primeiro cuarto o partido rematou cun empate 20-20 que respondía ao visto sobre a cancha. Foi polo partido o Kutxabank Araski pero respondeu ben o Durán Maquinaria Ensino.
A igualdade volveu ser a nota dominante no segundo cuarto que se decantou por catro puntos de diferencia para as locais 22-18. O acerto anotador de Tanaya Atkinson foi un dos puntos diferenciais para as alavesas.
Ao descanso chegouse con todo por decidir e un marcador de 42-38. Paula Ginzo, que acabaría sumando 14 puntos ao final do partido e sería a máxima anotadora das lucenses, foi das máis atinadas neste momento do xogo.
Punto de inflexión para o Kuxabank Araski
Á volta de vestiarios, volveron sumar seis puntos de vantaxe no terceiro cuarto (18-12) as xogadoras do Kutxabank Araski. E o partido púxose dez arriba para as locais 60-50. As perdas de balón foron decisivas para o baixón de xogo do equipo que adestra Antonio Pernas.
O definitivo cuarto foi o que tumbou ás galegas do Durán Maquinaria Ensino que perdían 22-15 eixando o triunfo no bando das de Vitoria-Gazteiz por 82-65.
Este resultado coloca ao conxunto lucense un pouco máis lonxe de entrar no play-off polo título. As galegas van undécimas na táboa clasificatorias e as súas rivais nesta 24ª xornada son sextas.
⏰FINAL en MENDIZORROTZA‼️‼️‼️
Jornada 24 #LFEndesa
No pudo sere, enhorabuena @Araski por la victoria. Nos vemos en el Pazo el Sábado ‼️‼️‼️@Araski 8⃣2⃣@EnsinoLugo 6⃣5⃣#VamosEnsino #ActitudRío pic.twitter.com/ikJ8m9JTNO— Ensino Lugo (@EnsinoLugoCB) March 4, 2023
FICHA TÉCNICA
82) KUTXABANK ARASKI (20+22+18+22): Asurmendi (14), Van den Adel (7), Diarra, Atkinson (18) e Burani (8) – quinteto inicial -. Tamén xogaron: Holopainen (11), Alarcón (2), Changas (12) e Chatrice White (10).
65) DURÁN MAQUINARIA ENSINO (20+18+12+15): Ane Olaeta (2), Alba Prieto (8), Paula Ginzo (14), Laura Aliaga (5) e Lydia Giomi (12) – quinteto inicial -. Tamén xogaron: Esther Castedo, Britanny Miller (4), Margaret Roundtree (13) María Martiáñez (3) e Milica Ivanovic (4).
PARCIAIS: 20-20, 42-38, 60-50 e 82-65.
EQUIPO ARBITRAL: Germán Francisco Morales Ruiz, Rodrigo Palanca Page e Eduard Colomer Castello. Sen xogadoras eliminadas.
INCIDENCIAS: Partido correspondente á 24ª xornada da Liga Feminina Endesa disputado no pavillón de Mendizorrotza de Vitoria-Gasteiz (Álava).
