Derrota pola mínima do Dépor ABANCA ante a SD Eibar en terras asturianas. O equipo que adestra Irene Ferreras perdía o seu primeiro partido nesta pretempada cun tanteo de 1-2 froito da maior eficiencia das eibarresas. Dos tres encontros que levan xogados neste tempo de preparación de cara á copmetición, as deportivistas colleitaron dous triunfos e unha derrota. O encontro disputouse no campo de fútbol de Santianes, en Colunga (Asturias).
⚽️ Victoria de nuestras armeras 1-2 en el partido ante el Deportivo de La Coruña (🎯Campos, Jone Ibañez) ✅
⚔️ Lanean jarraitzen dugu! 💙❤️#BetiArmaginak l #Eibarfem
— SD Eibar (@SDEibar) August 17, 2022
Até a data todo foron boas noticias para o equipo que prepara este curso 2022-23 a adestradora Irene Ferreras, que conquistaron nos seus dous primeiros partidos o Trofeo Cidade de Gaia ante o Valadares Gaia FC (2-4) e o Teresa Herrera ante outro equipo luso, o FC Famalicão (2-2 e 5-3 por penaltis), após unha gran segunda parte en ABANCA-RIAZOR.
Onte á tarde, en Colunga e ante a SD Eibar, o marcador non foi favorable, pero as sensacións foron practicamente as mesmas, posto que as vascas só foron superiores en eficacia de cara ao gol. Esta é unha boa pedra de toque xa que trátase dun rival que as herculinas terán en liga na Primera Federación este ano.
Os primeiros 45 minutos, igualados e caracterizados por un xogo moi físico, acabaron con triunfo parcial da SD Eibar, que se adiantou no marcador aos 34 minutos cun gol de Campos no seu único achegamento á meta branquiazul.
O Dépor ABANCA creou perigo sobre todo nas botas de Ainhoa Marín, quizais agora mesmo unha das súas futbolistas máis desequilibrantes. A mala noticia foi o cambio obrigado de Letti Sevilla a consecuencia dunha contusión nun xeonllo.
Gol de Ainhoa Marín ante a SD Eibar
Tralo descanso, os dous equipos comezaron a ver porta. A SD Eibar marcou o segundo grazas a Jone pero inmediatamente Ainhoa Marín recortou diferenzas e estableceu o 1-2 definitivo, segundo informa o RC Deportivo.
O encontro seguiu a mesma tónica a pesar dos cambios que ambos os equipos realizaron na recta final: máxima igualdade e poucas ocasións de gol nun bo test de pretemporada para o Dépor ABANCA.
Polo Dépor ABANCA xogaron: Lucía, Patri López, Raquel García, Inés, Paula Novo (Lorena Reina, min. 46), Henar, Letti Sevilla (Paula Gutiérrez, min. 30), Eva Dios (Millene, min. 46), Marta Charle (Tati Barcia, min. 82), Ainhoa Marín e Carlota Suárez (Marta Rico, min. 82).
Estaba previsto que As Nosas deportivistas adestrasen ás 10:00 horas de hoxe, xoves 18 de agosto, na Cidade Deportiva de Abegondo.
O domingo 21 de agosto ás 19:00 horas, o conxunto branquiazul visitarán ao Viajes InterRías FF, de Segunda Federación Feminina, co Trofeo Concello de Sanxenxo en xogo.
O calendario de pretemporada do Dépor ABANCA, cos resultados dos partidos xa xogados, é o seguinte:
- Valadares Gaia FC 2 – Deportivo ABANCA 4 (Carlota Suárez, Millene -2- e Eva Dios)
- Deportivo ABANCA 2 (Paula Gutiérrez e Inés Altamira) – FC Famalicão 2. A penaltis: 5-3 (X Trofeo Teresa Herrera)
- Deportivo ABANCA 1 (Ainhoa Marín) – SD Eibar 2
- Viajes InterRías FF – Deportivo ABANCA (Trofeo Concello de Sanxenxo), domingo 21 de agosto, 19:00 horas, campo Novo San Pedro (Vilalonga, Pontevedra)
- Deportivo ABANCA – Real Oviedo (Trofeo Emma Cuervo), domingo 28 de agosto, 18:00 horas, Estadio Pepe Barrera (Ribadeo, Lugo)
- Deportivo ABANCA – Athletic Club B, sábado 3 de setembro, 18:00 horas, Campo Municipal Les Caleyes (Villaviciosa, Asturias)
O Dépor ABANCA arrinca a liga na Primera Federación recibindo ao Rayo Vallecano de Madrid SAD
