Remata o ano o Conservas Orbe Rubensa Porriño con mal sabor de boca ao colleitar unha derrota na súa visita ao Pavillón Huerta del Rey onde caeu derrotado 34-26 co Caja Rural Aula Valladolid. Son cinco os partidos perdidos polo bloque que prepara Ismael Martínez tras dez xornadas da Liga Guerreras.
As galegas deberán aproveitar o arranque de 2022 no que visitan ao Balonmano Morvedre para poñer distancia con ese e outros conxuntos da zona máis baixa da táboa clasificatoria.
Final do partido, as nosas non puideron cun rápido Caja Rural Aula Valladolid e cerran o 2021 cunha derrota‼️@BmAulaCultural 34 🆚Conservas Orbe Rubensa Bm Porriño 26
📷 Caja Rural Aula Valladolid#LigaGuerrerasIberdrola pic.twitter.com/SlEj1MiJNl
— Club Balonmano Porriño (@BmPorrino) November 19, 2021
Aínda que quen abriu o marcador electrónico no pavillón Huerta del Rey de Valladolid foi o Conservas Orbe Rubensa Porriño, as deportistas que prepara Ismael Martínez non conseguiron despegarse no marcador. So estiveron por diante no marcador en momentos puntuais de toma e daca de goles entre locais e visitantes nos seis primeiros minutos de xogo. O partido foi neses momentos de arranque un cruce de poder a poder. Estivo brillante desde os sete metros a arxentina Micaela Casasola, quen, ao final, resultaría ser a máxima anotadora do partido e do Porriño con sete tantos.
A partir do 5-5 do minuto 10, o Caja Rural Aula Valladolid non soltou o mando do tanteo. Pediu tempo morto ao cuarto de hora Isma Martínez para buscar recompoñer ao bloque galego, pero iso non sucedeu. Chegouse ao descanso cun 14-10 favorable ás locais.
🤾♀️Aula Cultural domina el partido al término de los primeros 30 minutos #LigaGuerrerasIberdrola
14 @BmAulaCultural
10 @BmPorrino📺Vive el desenlace del encuentro, aquí: https://t.co/56x6E4YT2r pic.twitter.com/EKOuU0QmGD
— Teledeporte (@teledeporte) November 19, 2021
Caída na efectividade do Conservas Orbe Rubensa Porriño
As xogadoras que adestra Sergio Escudero foron aumentando vantaxe na segunda parte ataque tras ataque. O bo acerto de Casasola esmoreceuse e con el, o tino ante a meta rival do Conservas Orbe Rubensa Bm Porriño. Para colmo de males, o conxunto galego amosouse impreciso en tarefas defensivas e pagou os seus erros diante das pucelás colleitando a súa quinta derrota no que vai de Liga Guerreras. Con todo, nos últimos cinco minutos de partido o conxunto visitante apretou e recurtou algo as distancias sen chegar máis aló do 34-26 definitivo que campeaba no marcador ao final dos 60 minutos de xogo.
📸 ¡Disfruta de las mejores imágenes del #PartidoEstrella entre @BmAulaCultural y @BmPorrino!
💚 ¡Hoy volvemos con más BALONMANO FEMENINO!#SheLovesHandball #LigaGuerrerasIberdrola pic.twitter.com/nsj5Nq4iSP
— Guerreras Iberdrola (@IberdrolaDHF) November 20, 2021
Tras este resultado, mentres as de Valladolid se aferran aos postos altos (son quintas con 14 puntos xusto por encima do Mecalia Atlético Guardés), o equipo porriñés está dous puntos por encima dos postos de descenso que neste momento da competición, xusto cando se para ate o ano próximo 2022. Por debaixo das galegas está o Zubileta Evolution Zuazo Barakaldo con 5 puntos, un menos que o Conservas Orbe Rubensa BM Porriño (6 puntos, dous partidos gañados, dous empatados e cinco perdidos).
Os lugares comprometidos son agora, por orde de abaixo cara arriba para Zonzamas CICAR Lanzarote (colista con 0 puntos), Salud Tenerife (2 puntos), Handbol Sant Quirze (3 puntos) e Balonmano Morvedre (4 puntos). Xustamente o primeiro partido á volta do parón das galegas do Porriño será contra este rival no Pavillón René Marigil (Sagunto).
FICHA TÉCNICA
34) CAJA RURAL AULA CULTURAL VALLADOLID: Elba Álvarez (2), Jimena Laguna (2), Inoa Lucio (2), Danila So Delgado (2), Cristina Cifuentes (4), Lorena Téllez (6), Malena Valles (6), Teresa Álvarez (-), Sara Molés (1), Elena García, Elena Cuadrado (3), Rafaela Bergara (-), Savina Bergara (1), Amaia González de Garibay (5), Lourdes Guerra (-) e Carmen Sanz (-).
26) CONSERVAS ORBE RUBENSA BM PORRIÑO: Carolina Bono (-), Micaela Casasola (7), Laura Magdaleno (-), Alicia Campo (-), Marta Da Silva (-), Érica Tavares (2), Aitana Santomé (3), Arima López (1), Maider Barros (1), Sarai Samartín (3), Haridian Rodríguez (5), Thais Fermo (3), Carme Castro (1), Ithaisa Trigo (-), Fátima Ayelén (-) e Begoña Otero (-).
MARCADOR CADA CINCO MINUTOS: 3-2, 5-4, 8-5, 10-7, 11-8, 14-10 – descanso -, 18-12, 22-15, 25-18, 29-20, 32-23 e 34-26.
ÁRBITROS: Colexiados Víctor Navarro Baquero e Fernanda Espino Guerra. Mesa: Lain Montes Grande e Marta Serna Santiago. Excluíron pola parte do Conservas Orbe Rubensa BM Porriño a Maider Barros (dúas veces) e a Sarai Samartín. Mentres que pola parte do Caja Rural Aula Cultural Valladolid foron excluídas do xogo as deportistas Lorena Téllez (dúas veces) e Rafaela Bergara.
INCIDENCIAS: Partido correspondente á décima xornada da Liga Guerreras Iberdrola disputadon Pavillón Huerta del Rey de Valladolid. O último para as de Porriño neste ano 2021. Partido televisado por Teledeporte.
