Van xa 34 edicións dunha cita festiva que ten gañado a pulso o seu espacio destacado no calendario deportivo coruñés. Falamos do Trofeo Miguelito. Unha reunión de judokas chegados de toda Galicia que non buscan gañar, se non gozar xuntas e xuntos do seu deporte. A alcaldesa da cidade da Coruña, Inés Rey, destacou o labor da organización e a grande asistencia presente nesta 34 edición dun referente do deporte coruñés.
📢 🥋 34° TROFEO MIGUELITO.
📌 Incrible mañá de Judo no COLISEUM COLISEUM📆DOMINGO 29 maio.
🗣 grazas polo voso apoio ao noso evento infantil estrela. @inesreygarcia @mmartinez____@coruna_deportes @ConcelloCoruna pic.twitter.com/ryxFTjahnk— GALICIAJUDO (@galiciajudo) May 29, 2022
A alcaldesa da Coruña, Inés Rey, asistiu á celebración da edición número 34 do trofeo Miguelito de judo. A popular competición recuperou o seu formato sen limitacións pola pandemia e reuniu no Coliseum a máis de 2.200 participantes das diferentes modalidades e chegados de clubs e escolas de toda Galicia.
Máis de 15.000 persoas presenciaron o Trofeo Miguelito
O trofeo é xa un dos referentes do deporte coruñés e amosouno durante esta intensa mañá. Máis de 15.000 persoas asistiron como público á competición nas diferentes quendas organizadas. As persoas participantes dividíronse en tres quendas. En cada unha delas hai 20 tatamis, con vinte parellas en cada un, sendo aproximadamente 800 judokas en cada sesión.
🥋 A 34º edición do trofeo Miguelito de #judo reuniu no Coliseum a máis de 2.200 judokas de toda Galicia.
🔹 A alcaldesa do @ConcelloCoruna, @inesreygarcia, e a concelleira de Deportes, @mmartinez____, asistiron á celebración do encontro.
ℹ️ https://t.co/tzFoyINvtG pic.twitter.com/gA91v8TH2E
— A Coruña Deportes (@coruna_deportes) May 29, 2022
Inés Rey, que estivo acompañada pola concelleira de Deportes do Concello da Coruña, Mónica Martínez, destacou o papel deste trofeo a nivel local, pero tamén a nivel autonómico e nacional. “O Miguelito leva moitos anos mobilizando a mocidade e fomentando un ambiente san e deportivo entre ela. Incluso durante o ano da pandemia organizouse un Miguelito virtual que tivo miles de participantes”, sinalou a alcaldesa.
🥋 A alcaldesa, @inesreygarcia, asistiu hoxe ao acto de peche da 34ª edición do #TrofeoMiguelito, un referente do deporte coruñés que reuniu no Coliseum a judokas de toda Galicia.
🗣️ “É un día para gozar das competicións e tamén de atoparse con compañeiros e compañeiras”. pic.twitter.com/2Tq500AAyL
— Concello da Coruña (@ConcelloCoruna) May 29, 2022
Co regreso do Trofeo Miguelito na súa versión previa á pandemia, a cidade recupera un referente do deporte base. A competición goza dunha gran repercusión e respecto internacional. A organización recibiu nos últimos anos visitas de técnicos de judo de Portugal, Francia, Perú, Italia ou República Checa, co obxectivo de implantar un modelo similar nas súas federacións.
Este trofeo escolar organízase cada ano por parte da Federación Galega de Judo en colaboración co Concello da Coruña.
🥋 O judo foi o protagonista da mañá no Coliseum da Coruña, onde tivo lugar a 🏆 XXXIV edición do Trofeo Miguelito!
👥 Máis de 2.000 participantes subíronse aos tatamis durante a cita deportiva.
🎥👇 Aquí vos deixamos un vídeo da exhibición previa á clausura do evento. pic.twitter.com/AcpNsBXsXz
— A Coruña Deportes (@coruna_deportes) May 29, 2022