Case pleno de triunfos no futsal galego de Primeira División da RFEF. Venceron Pescados Rubén Burela, Poio Pescamar e Ourense Envialia. Unicamente o ENCE Marín FutSal tropezaba e o facía na casa ante o Universidad de Alicante. Estas victorias colocan ás da Mariña líderes, e as de Poio terceiras. No caso do Ourense Envialia sube dous postos na táboa, do noveno ao sétimo. Xusto ao revés que o ENCE Marín Futsal que descence do oitavo posto ao décimo.
Como falabamos na previa, o feito de que se adiase o partido do Atlético Navalcarnero e FS Móstoles podía resultar beneficioso (a curto prazo) ás escuadras galegas do Pescados Rubén Burela que finalmente púxose líder, e o Poio Pescamar que se colocaba terceiro. Ambas as dúas escuadras galegas consolídanse na zona nobre da clasificación.
Resultados da 14ª xornada da Primeira División de Fútbol Sala Feminino da RFEF:
- ENCE Marín FutSal – Universidad de Alicante 1-3
- Joventut d’Elx FS – Poio Pescamar 2-4
- Sala Zaragoza – Ourense Envialia 1-5
- Pescados Rubén Burela FS – CD Leganés 2-1
- Atlético Torcal – STV Roldán FS 1-2
- Rayo Majadahonda AFAR 4 FSF – AE Penya Esplugues 4-2
Partidos adiados:
- FSF Móstoles – Melilla Sport Capital Torreblanca FS
- Arriva AD Alcorcón FSF – Atlético Navalcarnero