Gañou pola mínima o Poio Pescamar FSF o amigable que acudiu a disputar á Coruña. O Pavillón Municipal de Novo Mesoiro acollía un partido que ambas escuadras pactaron logo de coñecer que os seus respectivos encontros de Liga se adiaban. Non quiseron perder o ritmo competitivo e disputaron un cruce cheo de intesidade que rematou cun resultado de 0-1 para as visitantes.
O Viaxes Amarelle FSF, dirixido por Jorge Basanta, afrontaba o seu último test de pretemporada, cun encontro amigable programado tras coñecer o adiamento do seu encontro da primeira xornada de liga. Repetía contra un rival ao que xa se mediu hai unhas semanas, o Poio Pescamar FSF.
As herculinas foron capaces de demostrar a súa melloría sobre a cancha ao ir collendo máis peso e autoridade no xogo, e a pesar da gran intensidade e esforzo do equipo laranxa. O Poio Pescamar FSF levou o partido ao tirar partido dun gol de rebote transformado a falta de 10 minutos para o final.
O partido empezaba cun conxunto herculino sometido a nunha presión alta do seu rival, para impedir a saída do balón e conseguir sorprender á porteira visitante.
Entre tanto, as futbolistas do Poio Pescamar FSF atopaban certas dificultades ante a presión posta en práctica polas herculinas, e non conseguían facer fluír o seu xogo sobre a pista.
Aínda que o xogo estaba moi intenso e cun Viaxes Amarelle FSF que se vía que tiña preto o gol. Non terminaba por chegar a definición. A aposta das coruñesas era o tiro exterior para sorprender á porteira do Poio Pescamar.
Os minutos pasaban, e o marcador permanecía co 0-0 inicial, sen que ningún dos dous equipos galegos acabase por ter unha ocasión o suficientemente clara para poder adiantarse ao marcador, e con ese marcador sen goles; ambos os equipos terminaron por retirarse ao tempo de asueto tras o primeiros vinte minutos de xogo.
Logo do descanso, os minutos parecían pesar un pouco máis ás herculinas, que non se atopaban tan fluídas. Se cadra, tamén por que as visitantes subiron un pouco máis a liña de presión, e á súa vez as locais non ían tan altas na súa.
Así foi o gol do Poio Pescamar
O partido estaba moi aberto para ambas as escuadras, e o partido parecía que non ía atopar o seu dono, pero a falta de dez minutos para o final do tempo regulamentario, un tiro exterior moi potente rebota en Daniella e o esférico cóase ao fondo da portaría herculina, para pór o 0-1 a favor do Poio Pescamar FSF.
Tras ese gol, as herculinas apostaron por ir a por o partido e buscar o empate, pero con pouca fortuna co gol; a falta de tres minutos para o final, as de Jorge Basanta optan polo xogo de cinco, e apenas a falta de 40 segundos para a conclusión Yaiza cun potente disparo dentro da área, termina estrelándose no pau.
Aínda tivo outra ocasión a escuadra herculina en xogo de cinco, nos últimos 20 segundos, pero o marcador mantívose co 0-1, a favor das visitantes.
Desde o Viaxes Amarelle FSF, fálase de “boas sensacións, pese ao resultado”. Hai que ter en conta que o rival era un gran Poio Pescamar un equipo que aspira á estar ubicado zona nobre da táboa clasificatoria.
Os dous clubs galegos, coa mirada xa na Liga
Tras este último encontro amigable de pretemporada, tanto Poio Pescamar, como Viaxes Amarelle FSF volverán aos adestramentos esta semana. Para as futbolistas de ambos os dous equipos o próximo fin de semana será o pistoletazo de saída á competición de Primeira División Nacional Feminina.
O cadro herculino disputará a segunda xornada do subgrupo A, o sábado 24 de outubro de 2020 ás 17:00 horas no Pavillón Municipal de Sacra Familia (A Coruña) recibindo ao AE Penya Esplugues, que gañou 6-1 ao Cidade de As Burgas esta fin de semana.
Pola súa parte, tamén no Subgrupo A o Poio Pescamar recibe nin máis nin menos que ao Roldan FS que ven de empatar co poderoso Futsi na primeira xornada 1-1.
FICHA TÉCNICA
VIAXES AMARELLE FSF: Sandra, Martita, Yaiza, María Gómez, Patri Corral – cinco inicial – , Candela, Cris Lourés, Sofía, Lau Doce, Marta Hermo, Carla Martínez, Leti Rojo e Tami Gándara.
POIO PESCAMAR FSF: Caridad, Daniella, Irene, Luci, Carol – cinco inicial -, Miriam, Julia, Antia, Agostina, Iraia, Ana Rivera, Clara, Silvia e Ana.
GOLES: 0-1 Daniella (min. 30).
ÁRBITROS: Eduardo Corral Martínez e Sergio Piñeiro Rivas do Colexio de Árbitros de Lugo e A Coruña. Mesa: Jorge Serrano Gálvez do Colexio de Árbitros de Lugo. Sen cartóns.
INCIDENCIAS: Partido amigable correspondente á pretemporada do curso deportivo 2020-2021 disputado o sábado 17 de outubro de 2020 no Pavillón Municipal de Novo Mesoiro (A Coruña) entre o Viaxes Amarelle FSF e o Poio Pescamar FSF.
