- O CV Autos Cancela Zalaeta regresaba de Gijón cun triunfo ante o Covadonga por 1-3.
As deportistas que adestra Jorge Barrero conseguían adxudicarse os dous primeros sets deste partido da Superliga Feminina 2, no primeiro o tanteo foi de 18-25 e no segundo de 19-25. Nesta segunda manga foron decisivos os erros na recepción das asturianas.
As asturianas do Grupo Covadonga, gañaron o terceiro set cun axustadísimo 25-23, forzando así chegar a un cuarto set. Nesta mellor do xogo das locais tivo moito que ver a entrada no campo das xuvenís Noguero e Sowerby que aportaron outro aire ao xogo das asturianas e permitiron ese intento de remontar o partido.
O cuarto set sería definitivo a favor das galegas que resolvían o partido cun 19-25 a proveitando un mal inicio da manga por parte das locais.
O Grupo Covadonga pretendía dar continuidade ao triunfo que colleitaran na xornada previa ante o CV Torrejón, pero non foi posible ante o bo xogo das galegas.
Tras este partido o CV Autos Cancela Zalaeta é quinto con 30 puntos e o RGC Covadonga, oitavo con 15 puntos.
Próxima cita do Zalaeta, as colistas na casa
A vindeira semana as coruñesas do Zalaeta reciben no pavillón polideportivo do Barrio das Flores ao CV Torrelavega, colista. Será o sábado 19 de marzo a partir das 19:00 horas.
FICHA TÉCNICA
1) RGC COVADONGA: Miriam Diéguez, Marina Rubiera, Ariana Morán, Paula Lorenzana, Claudia Cudeiro e Sara García – sexteto inicial – Carmela Mitre (líbero) Laura Sowerby, Laura Fernández e Covadonga Noguero.
3) CV AUTOS CANCELA ZALAETA: Patricia Santos, Alba Quirós, Andrea Rivas, Eleonora Guzzi, Laura Vázquez e Carmén Carvajal – sexteto inicial – Noemí Sánchez (líbero), Paula Lorenzo (líbero), Claudia Gómez, Carlota Vilariño, Carolina Rodríguez, Irene Yáñez.
PARCIAIS: 18/25 (18 min.), 19/25 (24 min.), 25/23 (26 min.) e 19/25 (23 min.).
ÁRBITROS: Miguel Ángel Quiroga, auxiliado por Juan José Martín. Anotadora: Victoria Menéndez.
INCIDENCIAS: Partido correspondente á xx xornada da Superliga 2 de voleibol da RFEBV, disputado no Polideportivo Braulio García de Gijón ante 125 espectadores.
