- Os oito tantos de Aitana Santomé foron claves na cómoda vitoria (37-27) fronte ao BM Salud Tenerife
- As de A Guarda deberán remontar o 34-23 recibido en Francia o vindeiro domingo na Sangriña para avanzar á seguinte rolda
Semana de contrastes para os conxuntos de balonmán galegos. O Conservas Orbe Rubensa BM Porriño volveu a sumar de dous logo de non conseguilo dende a xornada inaugural do torneo, e o Mecalia Atlético Guardés foi superado por partida dobre polo Bera Bera e polo Besançon francés.
Contundente vitoria no Municipal para espantar pantasmas
O BM Porriño segue a facer do Municipal un fortín do que saíron todos os puntos que suma no taboleiro ata o día de hoxe. O pavillón porriñés foi testemuña no serán do sábado da que de seguro foi a mellor actuación do conxunto dirixido por Ismael Martínez no que vai de tempada, e a ocasión non puido ser máis propicia pois serviron para afastarse dos postos de descenso e afundir un pouco máis neles ao seu rival, o BM Salud Tenerife.
Malia comezar perdendo o primeiro parcial, o BM Porriño foi mellorando considerablemente as súas prestacións no encontro, especialmente na parcela ofensiva, ata someter ás tinerfeñas por 19-12 ao tempo de descanso.
Á saída de vestiarios o encontro mantivo o mesmo guión coas locais asoballando a meta insular, con Aitana Santomé e Haridian Rodríguez liderando ás do Porriño á súa segunda vitoria da campaña grazas aos seus oito e seis tantos, respectivamente.
En campo propio, o BM Porriño fixo gala dunha notable intensidade defensiva sustentada no acerto de Estela Carrera baixo paus e no bo facer conxunto de todo o bloque baixo.
O venres ás 21:00 horas, o Conservas Orbe Rubensa BM Porriño afrontará coa moral renovada o desafío de acadar os seus primeiros dous puntos coma visitante. Farao en Pucela, fronte ao Caja Rural Aula Valladolid, nun encontro que pode servirlle ás porriñesas para deixar de mirar cara abaixo na táboa clasificatoria e comezar a facelo cara arriba.
Doble derrota do Mecalia Atlético Guardés nunha semana clave
A fortuna non acompañou ao Guardés nunha semana na que a escadra adestrada por José Ignacio Prades se xogou boa parte das súas aspiracións tanto na liga coma no campionato continental.
Á derrota acadada o mércores na Sangriña fronte ao Bera Bera compre sumarlle un novo tropezo o sábado en terras alpinas fronte ao Besançon galo na terceira rolda previa da Liga Europea.
Chegou a primeira derrota ligueira nada casa ante un gran equipo. Toca erguerse e seguir loitando.
Forza, rapazas!🏆 @IberdrolaDHF
📆 Xornada 9
🤾🏻♀️ @Atlguardes_ofic 🆚 @BalonmaBeraBera
🔥 A Sangriña
⏱️ 60′
🔢 26-33
📷 @Coex_go #OnosoInfernoéonosoceo 🖤💛 pic.twitter.com/BvfhhflkUB— Mecalia Atlético Guardés (@Atlguardes_ofic) November 10, 2021
O conxunto alpino fixo gala dunha gran efectividade nun encontro de ida e volta no que as vermellas souberon facer valer a súa superioridade ofensiva para someter a un Mecalia Atlético Guardés que malia a intensidade exhibida no Palais des Sports Ghani Yalouz non puido evitar o cómodo triunfo das locais.
Final. Dura derrota, pero toca erguer a cabeza. Loitaremos con todo na volta, o vindeiro domingo na Sangiña.
🏆 @ehfel_official
📆 Q3 | Ida
🤾♀️@ESBF_Handball 🆚 @Atlguardes_ofic
🏟️ Palais des Sports Ghani Yalouz
📍 Besançon 🇨🇵
⏱️ 60′
🔢 34-23
#InfernoEuropeo🇪🇺— Mecalia Atlético Guardés (@Atlguardes_ofic) November 13, 2021
Deste xeito, o conxunto miñoto afronta unha nova semana de competición na que viaxará a Gran Canaria para enfrontarse o mércores ás 19:30 horas ao Rocasa, terceiro clasificado do campionato, antes de recibir de novo o domingo ás 19:00 horas ao Besançon nunha Sangriña que deberá ser a xogadora número oito para facer posible a xesta europea.
