As conserveiras do Poio Pescamar volveron gañar. Esta vez fixérono a domicilio na cancha do Gran Canaria Teldeportivo. Sobre o papel as isleñas eran un rival asequible, pero xa se sabe que iso haino que amosar no 40×20 nos 40 minuto de xogo. Así foi. O conxunto vermello vencía 1-2 ás grancanarias.
Logo da disputa desta sexta xornada, o Gran Canaria Teldeportivo acumula so tres puntos no seu casilleiro, os mesmos que tiña. Mentres que o Poio Pescamar suma xa 15 de 18. Son terceiras a tres puntos do dúo de cabeza (Futsi Atlético Navalcarnero e Pescados Rubén Burela FS).
Desde o inicio do choque as galegas tiveron o control do esférico. Dominaron o tempo do partido, a posesión e as ocasións. Con todo, tardou en chegar o gol. Abriu a lata para o Poio Pescamar Marta Peñalver no minuto 14 anotando unha falta directa. Mariona, a gardameta local, toca o balón pero non abondo para evitar o tanto (0-1).
Pese ao dominio, o Poio Pescamar tiña un gol de marxe ao descanso
Con ese resultado chegaba o partido ao descanso. Á volta de vestiarios o Poio Pescamar mantiña o control do partido e aumentaba a súa renda no minuto 24 cun tanto de Ana Escribano de penalti. Curiosamente, pese ao claro dominio das galegas os seus tantos non chegaron de xogada, se non que foron anotados a balón parado. Froito, de todos modos, do perigo das chegadas das conserveiras que obrigaba ás locais levar a cabo accións punibles para evitar o gol.
‼️ Fútbol Sala Femenino @FutSalRFEF
Gran Canaria @Teldeportivo 🆚@PoioPescamarfs
Galería de imágenes
➡️ https://t.co/00ifZFhjOd
💙💛#Teldeportivo #FutbolSalaFemenino #SomosFutsal #GCIslaEuropeadelDeporte #GranCanaria #GranDestino #MuchoPorVivir pic.twitter.com/eVi10Q32CL— Teldeportivo (@Teldeportivo) October 30, 2022
O tanto das locais o anotaría en propia porta Ana Escribano que buscaba despexar un balón, pero envíaba o esférico ao fondo da meta defendida pola súa compañeira.
Puido aumentar a vantaxe Laura Uña pouco despois pero o seu lanzamento de punteirolo petou no longueiro. Buscou a remontada o Gran Canaria Teldeportivo co xogo de cinco no tramo final do partido pero o Poio Pescamar aguantou o empuxe das locais con grandes paradas de Elena na portaría das galegas.
FICHA TÉCNICA
1) GRAN CANARIA TELDEPORTIVO: Mariona; Agustina González, Andrea, Sofía e Idoya – quinteto inicial -. Tamén xogaron: Escribano, Martita, Play, Virginia, Pina, Lucchesi e Marta Jiménez (porteira suplente).
2) POIO PESCAMAR: Elena González, Martita, Dani Sousa, Luci e Marta Peñalver – quinteto inicial -. Tamén xogaron: Rocío, Ana Escribano, Dupuy, Laura Uña e Elena Aragón.
GOLES: 0-1, min. 14 Marta Peñalver. 0-2, min. 24 Ana Escribano. 1-2, min. 28 Ana Escribano (propia porta).
EQUIPO ARBITRAL: Colexiados, Almeida León e Santana Santana. Amosaron carón amarelo á xogadora local Idoya. Sen tarxetas no bando visitante.
INCIDENCIAS: Partido da sexta xornada da Primera División da RFEF FuSalFem disputado na Ciudad Deportiva.
