O Poio Pescamar levou con autoridade o test que enfrontou ás vermellas co Viaxes Amarelle FSF. O partido amigable xogouse na Coruña e as locais caeron derrotadas no seu segundo partido de pretempada tal e como xa o fixeran ante o Burela con que perderan 2-0 en Vista Alegre.
O equipo herculino do Viaxes Amarelle FSF, dirixido por Jorge Basanta, afrontaba o seu primeiro encontro amigable da pretemporada como conxunto local e facíao recibindo a un dos equipos máis reforzados para esta nova tempada na na Primeira División do futsalfem da RFEF, o Poio Pescamar FSF.
As herculinas buscaron xogar o balón e buscar a portería contraria, pero atopáronse cun rival moi efectivo na súa tarefa ofensiva e terminaba provocando unha nova derrota da escuadra herculina, por un marcador de 1-6.
O partido empezaba cos dous equipos buscando a portería contraria e xerando perigo nas súas primeiras chegadas; aínda que o maior acerto chegaría por parte das visitantes, cando aos catro minutos de xogo Asperxeu cun tiro exterior á saída dun córner, sobe o 0-1 ao marcador.
Aínda quedaba partido por diante, e o conxunto herculino seguía buscando saír co balón xogado desde atrás e tentar igualar o xogo, pero o gol non chegaba. E aos trece minutos de xogo, Marta Peñalver rouba un balón, cando o conxunto herculino trataba de saír co balón xogado desde atrás coa porteira metida a unha banda, e no roubo das podienses, Marta pon o 0-2 coa portería baleira.
Este segundo gol facía efecto nas herculinas, que non conseguían de atopar o seu mellor xogo, nin de finalizar as xogadas para recortar distancias no marcador; e xa no tramo final da primeira metade, Lucía conseguía subir o 0-3, ao aproveitar un rexeite tras un primeiro disparo ao pau, e na seguinte xogada unha perda de balón, deixaba a Rocío nun un para un con Leti, e subía o 0-4, co que o partido se iría ao tempo de asueto.
Logo do descanso, o conxunto do Viaxes Amarelle FSF non baixaba os brazos e seguía buscando a portería contraria e recortar distancias, pero as visitantes á contra xeraban perigo para aumentar a súa renda; e antes de chegar á metade do segundo período Laura Uña poñía o 0-5, ao rexeite do seu primeiro intento dentro da área, e un minuto máis tarde, unha nova perda de balón das herculinas na saída de presión, deixaba un disparo a pracer para Dani Sousa, onde non perdoaba subir o 0-6 ao marcador.
O Viaxes Amarelle FSF non parou en ningún momento de tentalo, pero faltaba finalización nas transicións de perigo que xeraban; e de feito o gol fíxose de rogar e non chegou ata o último segundo, cando Laura Rivas facía unha vaselina a Sandra Buzón, e o partido finalizaba cunha contundente vitoria visitante.
1. Viaxes Amarelle vs Poio Pescamar, pretempada 22-23 / VIAXES AMARELLE FSF
Viaxes Amarelle vs Poio Pescamar, pretempada 22-23 / VIAXES AMARELLE FSF
2. Viaxes Amarelle vs Poio Pescamar, pretempada 22-23 / VIAXES AMARELLE FSF
Viaxes Amarelle vs Poio Pescamar, pretempada 22-23 / VIAXES AMARELLE FSF
3. Viaxes Amarelle vs Poio Pescamar, pretempada 22-23 / VIAXES AMARELLE FSF
Viaxes Amarelle vs Poio Pescamar, pretempada 22-23 / VIAXES AMARELLE FSF
4. Viaxes Amarelle vs Poio Pescamar, pretempada 22-23 / VIAXES AMARELLE FSF
Viaxes Amarelle vs Poio Pescamar, pretempada 22-23 / VIAXES AMARELLE FSF
5. Viaxes Amarelle vs Poio Pescamar, pretempada 22-23 / VIAXES AMARELLE FSF
Viaxes Amarelle vs Poio Pescamar, pretempada 22-23 / VIAXES AMARELLE FSF
6. Viaxes Amarelle vs Poio Pescamar, pretempada 22-23 / VIAXES AMARELLE FSF
Viaxes Amarelle vs Poio Pescamar, pretempada 22-23 / VIAXES AMARELLE FSF
7. Viaxes Amarelle vs Poio Pescamar, pretempada 22-23 / VIAXES AMARELLE FSF
Viaxes Amarelle vs Poio Pescamar, pretempada 22-23 / VIAXES AMARELLE FSF
Partido para seguir medindo á escuadra herculina nesta primeira quincena de pretemporada e tócalles as coruñesas seguir traballando e tentar recuperar lesionadas para o inicio da competición ligueira.
Tras este segundo test de pretemporada, o conxunto herculino non para e segue cos adestramentos, para seguir crecendo e preparar o próximo encontro que chegará dentro de dez días.
Copa de Galicia
O seguinte duelo das herculinas será o partido de fase previa da Copa Galicia Feminina de Fútbol sala, e onde o Viaxes Amarelle FSF visitará a cancha do A Fervenza FSF, na mañá do sábado 27 de agosto, con horario e instalación pendente de confirmar.
FICHA TÉCNICA
1) VIAXES AMARELLE FSF: Leti Rojo, Lau Doce, Èlia Gullí, Carlita e María Gómez – quinteto inicial -. Tamén xogaron: Cris Lourés, Cris Lourés, Clàudia Lobo, Laura Rivas, Marta Hermo, Daryna Tkachenko, Ana Bermúdez, Nerea Ramallo, Estela Cantero e Carol Agulla.
6) POIO PESCAMAR FSF: Elena, Martita, Marta, Anna Escribano e Dani Sousa – quinteto inicial -. Tamén xogaron: Lucía, Irene, Rocío, Laura Uña, Andrea, Sandra, Julia Dupuy e Agostina Chiesa.
GOLES: 0-1 Rocío (min. 4); 0-2 Marta (min. 13); 0-3 Lucía (min. 18); 0-4 Rocío (min. 19); 0-5 Laura Uña (min. 27); 0-6 Dani Sousa (min. 28); 1-6 Laura Rivas (min. 40).
EQUIPO ARBITRAL: Manuel Dans Rey e Sergio López Riveiros do Comité Técnico de Árbitros da Coruña. Mesa: Lucía Manso Porteiro do Comité Técnico de Árbitros da Coruña. Amonestaron a: Anna Escribano do Poio Pescamar FSF con cartón amarelo.
INCIDENCIAS: Partido amigable de pretempada disputado no Pavillón Municipal da Sagrada Familia (A Coruña).
