Na Liga Iberdrola, o CV Arenal Emevé conseguiu unha xustada vitoria por 3-2 ante o CV Sayre Centro C. La Ballena, un rival que, a priori, parecía accesible ao ocupar o penúltimo lugar da táboa, pero que demostrou ter capacidade para complicarlle o partido ás galegas.
Con este resultado, o conxunto lugués sitúase na 7ª posición con 11 puntos en 8 encontros disputados, mantendo vivas as opcións de escalar postos e achegarse á parte alta da clasificación.
O equipo dirixido por Alberto Chaparro está a realizar unha tempada cun rendemento estable e unha competitividade elevada, que lle permite soñar con subir posicións se consegue manter unha liña de resultados positiva. De feito, o terceiro posto, está ocupado polo Heidelberg-Volkswagen con 15 puntos tan só 4 máis ca as galegas, o que fai que cada partido sexa decisivo.
Cada vitoria, un impulso para o CV Arenal Emevé
Nesta situación todo pode cambiar rapidamente, o que mantén a intriga viva, xa que calquera resultado pode alterar de forma significativa a táboa. O CV Arenal Emevé enfróntase a un desafío constante, pero cada triunfo e cada punto gañado supón un impulso de moral e enerxía que pode marcar a diferencia de cara ao tramo final da competición.
O próximo encontro do CV Arenal Emevé será contra o Tenerife Libby´s La Laguna o vindeiro 6 de decembro, ás 18:00 horas, en campo rival.
Ver esta publicación en Instagram
FICHA TÉCNICA
0) ARENAL EMEVÉ: Yasmín Batista, Lara Sánchez, Gesina Ter Brugge, María Barrasa, Olalla González, Blanca Jiménez, Belén Margaria, Nicole Starck, Marta Llamedo, Amelia Portero, Irene Osayande e Elizabeth Clark.
3) CV SAYRE: Sina Stockmann, Sullie Sundara, Ángeles Ligoria, Inmaculada Lavadoo, María Celeste Vela, María Rodriguez, Laura Juan, Marina Martí,, Cristina Redondo, Ryan Odell, Rose Hidalgo e Lidia Figueira.
EQUIPO ARBITRAL: Enrique Romero Martínez e María Gloria Souto Jiménez
INCIDENCIAS: Partido correspondente á oitava xornadada Liga Iberdrola, disputado no Pabellón Municipal de Deportes Lugo (Lugo).
