Despois do parón de liga tras o nadal, o Club Waterpolo Pontevedra comezou este 2023 cunha importante vitoria na Primera División estatal fronte a Club Natación Ciudad de Alcorcón por un marcador de 7-10 (1-3, 2-1, 2-1 e 2-5).
O equipo do CW Pontevedra é o máximo representante do waterpolo feminino galego. No arranque de competición desta tempada 2022-23, no partido contra este equipo na primeira volta, as galegas perderan por un gol.
Deixouse ver neste partido da segunda volta a preparación que realizaron durante o tempo de Nadal as xogadoras galegas. Nese período o Club Waterpolo Pontevedra tivo un torneo moi produtivo.
Ver esta publicación en Instagram
Froito dese traballo durante o parón, as galegas foron capaces de desenvolver un bo xogo en ataque. O bloque do Club Waterpolo Pontevedra tivo na finalización o seu punto máis feble ao longo deste partido disputado na piscina del Centro de Natación M86.
En defensa, as galegas axustáronse ao marcado previamente, freando o ataque das rivais e excepto algún erro en certos momentos do partido realizouse un bo traballo.
O resultado final de 7-10, ademais dunha vitoria implica gañar o goalaverage co CNC Alcorcón, diante dun posible empate a puntos ao final da presente tempada 2022-23.
A semana que vén o Club Waterpolo Pontevedra recibirá en Marín ao Horta, un rival que está a pelexar polas primeiras posicións, polo que será un bonito partido.