Nesta última xornada da Liga Iberdrola de rugby, presentábase un encontro chave para o CRAT Residencia Rialta. As galegas levan varios partidos irrecoñecibles. Colleitaron dúas derrotas contundentes ante Majadahonda e Corteva Cocos. Non parecía que o Eibar Rugby Taldea (terceiras clasificadas) fose o rival máis axeitado para remontar o voo pero finalmente, foi.
As galegas enfrontábanse ao dobre reto de ter que reverter a tendencia que estaba a ter nesta tempada 2021-22, e tiñan que facelo pese ás numerosas baixas de xogadoras importantes que arrastra o equipo herculino.
Comezaron as cousas ben para as xogadoras que adestran a dupla conformada por Helen Roca e Jos Portos. O CRAT Residencia Rialta pasaba a liña de ensaio nos primeiros minutos do encontro pondo as cousas ben para os seus intereses.
O equipo víase máis perigoso en ataque e parecía que por fin se estaba reflectindo no campo o duro traballo que as herculinas veñen realizando e que non se estaba trasladando aos partidos. Froito deste bo facer, un novo ensaio do CRAT Residencia Rialta antes do descanso deixaba o 10-0 no marcador.
Na segunda metade mantívose a tendencia da primeira. Con todo, foi Eibar Rugby Taldea o que viu premiadas as súas oportunidades cun ensaio que deixaba as espadas en todo o alto. Nesta ocasión, sacando a marca da casa, o CRAT Residencia Rialta si que mostrou o mellor de si nos momentos difíciles, non dando oportunidade algunha ás visitantes de igualar o marcador cunha defensa case perfecta.
O CRAT ten unha ocasión fantástica para recurtar distancias co Pozuelo
Gran partido das coruñesas que conseguen catro puntos que, a pesar de saber a gloria xa de seu, son bastante máis que iso, xa que dan a volta a unha situación complicada e marcan a tendencia a seguir o resto da campaña.
Tras este resultado o CRAT Residencia Rialta colócase terceiro pola cola con 12 puntos un máis que o CR Sant Cugat.
O vindeiro domingo 28 de novembro o CRAT Residencia Rialta recibe ao CR Olímpico de Pozuelo en Elviña coa arbitraxe de Félix Villegas. Será as 12:00 da mañá. O Pozuelo é, xustamente, o inmediato predecesor na táboa das coruñesas, polo que o conxunto que adestran Jos Portos e Helen Roca ten unha ocasión de ouro para achegarse e recurtar distancias.
FICHA TÉCNICA
13) CRAT RESIDENCIA RIALTA: Divina Leis, Sara Antúnez, Maica Martí, Elena Martínez, Leyre Bianchi, Judith Hernández, Maitane Buján, María Vega, Alba Lalín, Ana Iglesias, Jess Martín, Claudia Barrio, Ceci Huarte, Tania Martínez y Estela Salinas. Tamén xogaron: Miriam Roig, Alejandra Victoria, Bárbara Murillo, Ana Montero, Alejandra Fernández e Iria Anidos.
7) EIBAR RUGBY TALDEA: Malen Esparza, Doha Benslaiman, Alejandra Cid, Nahia Martínez, Eider Olarreta, Asmae Ourdi, Nerea García, Maika Brust, Leire Muñoz, Lucía Moya, Oraçao Sambu, Uribarri Barrutieta, Lide Erbina, Agueda Pis e Amaiur Mayo. Tamén xogou: Maitane Ibáñez
MARCADOR:
- Min. 7, 5-0 – Ensayo de Estela Salinas.
- Min. 32, 10-0 – Ensayo de Leyre Bianchi.
- Min. 62, 13-0 – Golpe de Castigo transformado por Ana Iglesias.
- Min. 65, 13-7 – Ensayo de Maika Brust transformado por Lucía Moya
ÁRBITROS: Colexiados Luis Fernández (árbitro principal) e Daniel Pérez e Álvaro García (a´rbitros asistentes)
INCIDENCIAS: Partido correspondente á sétima xornada da Liga Iberdrola de rugby disputado no campo universitario de Elviña (A Coruña).
