Triunfo do CH Coruña por equipos mixtos no Trofeo Internacional de Halterofilia Cidade da Coruña

O Pavillón polideportivo municipal dos Rosales acolleu o XXVI Trofeo Internacional de Halterofilia Cidade da Coruña, no que participaron atletas de seis nacionalidades diferentes. Á cita, na que actuaba como anfitrión o Club Halterofilia Coruña, acudiron deportistas de Dinamarca, Alemaña, Hungría, Portugal e Reino Unido, ademais dunha selección galega e española. O coruñés Víctor Castro e a portuguesa Eduarda Morais, ambos os dous deportistas do CH Coruña, fixéronse co ouro na competición, xunto co Club Halterofilia Coruña na categoría equipos.

🏋️‍♀️ Atletas de seis nacionalidades competiron no XXVI Trofeo Internacional de Halterofilia Cidade da Coruña

🏆 Víctor Castro e Eduarda Morais fixéronse co ouro na competición, xunto co Club Halterofilia Coruña na categoría equipos

Toda a información: https://t.co/KeFFwvQPZ7 pic.twitter.com/7yo3PwGM2s

— Concello da Coruña (@ConcelloCoruna) July 1, 2023

Na categoría de equipos mixtos, o Club Halterofilia Coruña gañou o primeiro premio do XXVI Trofeo Internacional de Halterofilia Cidade da Coruña. O equipo Galicia A obtivo o segundo premio e Dinamarca, o terceiro posto. Nesta edición participaron un total de 36 deportistas.

A portuguesa Eduarda Morais, do Club Halterofilia Coruña, foi a gañadora da categoría feminina, seguida das coruñesa Irene Blanco, que tamén pertence a ese club herculino pero que competía defendendo as cores da Selección Galega A, que obtivo a medalla de plata; e Ruth Fuentefría no terceiro posto, tamén do Club de Halterofilia Coruña. O adestrador de todas elas e Ferenc Szabo. 

 

1 de 9

- +

1. Eduarda Morais, haltera do Club Halterofilia Coruña / SABELA MOSCOSO

Eduarda Morais, haltera do Club Halterofilia Coruña / SABELA MOSCOSO

2. Irene Blanco, haltera do Club Halterofilia Coruña / SABELA MOSCOSO

Irene Blanco, haltera do Club Halterofilia Coruña / SABELA MOSCOSO

3. Ruth Fuentefría, haltera do Club Halterofilia Coruña / SABELA MOSCOSO

Ruth Fuentefría, haltera do Club Halterofilia Coruña / SABELA MOSCOSO

4. Ferenc Szabo, adestrador do Club Halterofilia Coruña / SABELA MOSCOSO

Ferenc Szabo, adestrador do Club Halterofilia Coruña / SABELA MOSCOSO

5. Halterofilia / SABELA MOSCOSO

Halterofilia / SABELA MOSCOSO

6. Xuíza no XXVI Trofeo Internacional Cidade da Coruña de Halterofilia / SABELA MOSCOSO

Xuíza no XXVI Trofeo Internacional Cidade da Coruña de Halterofilia / SABELA MOSCOSO arbitro xuíz

7. XXVI Trofeo Internacional Cidade da Coruña de Halterofilia / SABELA MOSCOSO

XXVI Trofeo Internacional Cidade da Coruña de Halterofilia / SABELA MOSCOSO

8. Podio feminino do XXVI Trofeo Internacional de Halterofilia Cidade da Coruña, Eduarda Morais, Irene Blanco e Ruth Fuentefría co concelleiro de Deportes, Manuel Vázquez / CONCELLO DA CORUÑA

Podio feminino do XXVI Trofeo Internacional de Halterofilia Cidade da Coruña, Eduarda Morais, Irene Blanco e Ruth Fuentefría co concelleiro de Deportes, Manuel Vázquez / CONCELLO DA CORUÑA

9. Atletas de seis nacionalidades competiron no XXVI Trofeo Internacional de Halterofilia Cidade da Coruña / CONCELLO DA CORUÑA

Atletas de seis nacionalidades competiron no XXVI Trofeo Internacional de Halterofilia Cidade da Coruña / CONCELLO DA CORUÑA

Pola súa banda, o galego Víctor Castro, do Club Halterofilia Coruña, fíxose co ouro na categoría masculina seguido do portugués Miguel Portasio, segundo posto; e de Martín Liste, tamén do Club de Halterofilia Coruña, que obtivo a medalla de bronce.

O concelleiro de Deportes do Concello da Coruña, Manuel Vázquez fixo entrega das medallas aos gañadores acompañado de Víctor Galván, presidente da Federación Galega de Halterofilia.  Segundo sinalou Manuel Vázquez, o concello herculino “está comprometido co deporte e coa halterofilia, moi asentada na cidade e con deportistas de gran nivel nacional e internacional”.

O desenvolvemento do Trofeo Internacional de Halterofilia Cidade da Coruña remóntase a 1996, cando participaron tres países europeos e tres comunidades autónomas do territorio nacional. Desde entón, este campionato non deixou de medrar e hoxe en día conta cun gran prestixio entre as diferentes federacións. No 2019, antes da pandemia, estableceuse a cifra máxima de representantes internacionais, con nove países convidados.

Oito delegacións participaron no XXVI Trofeo Internacional Cidade da Coruña

Na edición número 26 do Trofeo Internacional Cidade da Coruña participaron oito delegacións. Ademais do club anfitrión, Club Halterofilia Coruña, competiron equipos de Alemania, Dinamarca, Gran Bretaña, Portugal, Hungría, un combinado de España e outro de Galicia.

Foi un día redondo para os deportistas locais que ademais de triunfar no campionato por equipos mixtos, acadaron case todos os chanzos do podio individual, tanto en categoría feminina como masculina.

Estas foron as clasificacións do XXVI Torneo Internacional Cidade da Coruña:

Por equipos mixtos:

1. Club Halteroflia Coruña 1404 pts Sinclair
2. Galicia 1283 pts
3. Dinamarca 1209 pts

Individual femenino:

1. Eduarda Sousa (CH Coruña)
2. Irene Blanco (CH Coruña)
3. Ruth Fuentefria (CH Coruña)

Individual masculino:

1. Víctor Castro (CH Coruña)
2. Miguel Portasio (Portugal)
3. Martín Liste (CH Coruña)