O Viaxes Amarelle FSF afrontaba o último partido da competición regular, como un duelo non que nada había en xogo sobre a pista. Pero, con todo, o conxunto herculino que saíu á cancha querendo dominar e facíao chegando con moito perigo. Conseguiu así adiantarse pronto no electrónico ao Bodegas Sommos Intersala Zaragoza FSF e, aínda que as visitantes conseguiron igualar a contenda pouco antes do descanso, as galegas terminaban por dominar claramente na segunda parte e eran quen de se levar unha vitoria clara por 4-1. As autoras dos goles coruñeses foron as futbolistas: Patri Corral (2), Sofía e María Gómez.
O partido empezaba cun Viaxes Amarelle FSF que quería ter o balón, presionar e atacar rápido sobre a portaría visitante; e facíao con varias chegadas moi claras sobre a portaría de María de Val, pero o gol resistíase.
Os minutos pasaban e as herculinas conseguían adiantarse ao seis minutos de xogo. Foi cunha recuperación de Patri Corral en cancha propia. A futbolista foise das súas opoñentes e, cun disparo frontal de 8 metros, conseguía colocar o balón ao fondo da rede e subir o 1-0 ao marcador da Sagrada Familia.
As galegas querían ampliar distancias e xeraban perigo, pero o gol facíase esperar. Mentres, o conxunto visitante trataba de sorprender a través de rápidas transicións. Conseguiron igualar a contenda a falta de algo máis de catro minutos para o final do primeiro tempo. Foi tras unha boa internada de Ana Sanz que enviu o esférico á área, o balón toca en Patri Corral e vaise ao fondo da rede, defendida por Leti Rojo.
As locais tentaron volver adiantarse no marcador, pero el Bodegas Sommos Intersala Zaragoza FSF cada vez estaba máis seguro de si mesmo e igualouse en ocasións, aínda que o partido foise ao tempo de asueto co 1-1.
Tras regresar de vestiarios, as futbolistas visitantes empezaron a subir un pouco máis a presión sobre a escuadra galega, para poder meterse no partido e poder adiantarse. Pero o conxunto do Viaxes Amarelle FSF seguía moi serio en ataque. As galegas chegaban con perigo e acariñaban porse por diante de novo no electrónico.
Con todo, o gol resistíaselle ás locais. Conseguírono na metade do segundo período. O tanto aconteceu froitoda presión alta de Patri Romaní que roubaba o balón en primeira liña, tocaba para Sofía, e esta, desde dentro da área non perdoaba o gol (2-1).
As galegas empezaron a crecerse na cancha con este segundo gol, e cada vez xeraban máis perigo en ataque e atopábanse moi cómodas. Así, acadaron pór o 3-1 no luminoso a falta de algo menos de 2 minutos para o final do encontro. Patri Corral, tras unha gran xogada, levábase á súa opoñente e, cun potente disparo exterior, subía o segundo gol na súa conta particular e o terceiro na das coruñesas.
Aínda quedaba partido e o Viaxes Amarelle FSF non se daba por vencido e seguía buscando ampliar renda, e conseguíao a falta de sete segundos, cando María Gómez finalizaba ao segundo pau un pase de Lau Doce, tras unha gran contra iniciada por Patri Curral con roubo en media cancha. Foi así que partido chegou ao seu final cun marcador de 4-1.
O Amarelle, pensa xa na promoción contra o Joventut d´Elx FSF
Remata así o cuadro que adestra Jorge Basanta a competición regular nunha atípica tempada 2020-21 na que o conxunto herculino deu en sumar un total de 26 puntos, en 25 partidos disputados. Estas cifras deixan ás coruñesas cun coeficiente de 1,04 na fase regular. As herculinas fixeron e loitaron o indecible esta tempada, e con catro rivais por baixo na clasificación. As herculinas vano ter que xogar todo a unha carta a vindeira fin de semana.
Tras a disputa deste último encontro da competición regular, o Viaxes Amarelle FSF ten previsto regresar o luns aos adestramentos.
A vindeira fin de semana as coruñesas terán oportunidade de loitar por manter a categoría na Primeira División Nacional Feminina de Fútbol sala na promoción. O cadro herculino terase que ver as caras contra o Joventut d´Elx FSF, ao que esta fin de semana vencían as galegas do ENCE Marín FS ascendendo á elite.
Segundo informa o club coruñés, están pendentes de confirmación por parte da Real Federación Española de Fútbol a hora, data exacta e sede.
FICHA TÉCNICA
4) VIAXES AMARELLE FSF: Leti Rojo, Lau Doce, Anna Escribano, Patri Romaní e Tana Florentín – quinteto inicial -. Tamén xogaron: María Gómez, Patri Corral, Cris Lourés, Yaiza, Sofía, Tami Gándara (2ª porteira).
1) BODEGAS SOMMOS INTERSALA ZARAGOZA FSF: María de Val, Paula, Iciar, Nerea, Lucía Guillén – quinteto inicial -. Tamén xogaron: Sarah, Ana Sanz, Vice, Marta, Titina, Carol (segunda portera), Alba, Izarbe (3º porteira).
GOLES: 1-0 Patri Corral (min. 6); 1-1 Patri Corral (propia porta) (min. 15); 2-1 Sofía (min. 29); 3-1 Patri Corral (min. 38); 4-1 María Gómez (min. 40).
ÁRBITROS: Alfredo Castro Nantes e Carlos Martínez Torres do Colexio de Árbitros de Pontevedra. Mesa: Santiago Modroño Liz do Colexio de Árbitros da Coruña. Sen amonestacións.
INCIDENCIAS: Partido correspondente á décima xornada do subgrupo D da Primeira División Nacional Femenina de Fútbol Sala da RFEF disputado no Pavillón Municipal de Sagrada Familia, na A Coruña.
