Galicia acode aos campionatos de España Júnior e U23 de Loitas Olímpicas con 11 deportistas, dos cales tres son loitadoras, e dous son árbitros. O presidente da FEGALOITA, José Luis Olazabal indicaba sobre a cita que a principal “preocupación é a sanitaria, a competición é secundaria”. A competición vaise celebrar con estritas medidas de prevención do coronavirus COVID-19 á procura de preservar a saúde das persoas que acuden a competir, corpos técnicos e xuíces da competición.
A Federación Galega de Loita e D.A. en consenso cos clubs galegos e os seleccionadores, acude cun número moi reducido de deportistas, aos os campionatos de España que terán lugar no Hotel Roc Doblemar na Manga do Mar Menor, en Murcia desde hoxe 16 ao 18 de outubro de 2020.
As causas desta delegación galega reducida están motivadas por dúas razóns fundamentais:
- O risco que leva a participación, pola pandemia sanitaria provocada polo COVID 19.
- Porque moitos dos deportistas Galegos, a día de hoxe, non puideron comezar cos adestramentos, debido á nonapertura de moitas instalacións deportivas.
A formulación dos organizadores “sobre o papel parece un acerto, xa que se vai a pechar un hotel para albergar as diferentes competicións: Libre Olímpica, Libre Feminina e Grecorromana, dos grupos de idade júnior e U23”, explican desde a Federación Galega de Loita e D.A.
Todas as persoas que entran en competición, teñen que presentar un test negativo en coronavirus COVID-19 antes de viaxar a Murcia, para poder participar.
As medidas de seguridade serán extremas, co confinamento dos deportistas nas súas habitacións. Só permitirán saír aos deportistas, acceder á zona de quecemento 30 minutos antes do momento da súa competición.
Máscara en todo momento salvo nos combates
Os accesos estarán diferenciados, do mesmo xeito que as zonas de quecemento. O uso de máscara será obrigatorio en todo momento excepto durante os combates.
As e os deportistas galega/os que acoden serán:
| Apellidos | Nombre | CLUB |
| ARAUJO PEREIRA | MARCOS | ÁRBITRO |
| FERNANDEZ VAZQUEZ | DANIEL | ÁRBITRO |
| OSCO ABREU | AIMARA | CIUDAD DE VIGO |
| IGLESIAS CAMPOS | NEREA | ESCUELA AYUDE |
| TURCAN | ION | KUZUSHI DE VIGO |
| RODRIGUEZ MARTINEZ | OMAR | SABARIS DE BAIONA |
| GONZALEZ SILVA | DAVID | SABARÍS DE BAIONA |
| BELLO ALVAREZ | SAUL | SAN IGNACIO DE VIGO |
| ALVAREZ RODRIGUEZ | RAFAEL | SAN IGNACIO DE VIGO |
| RODRIGUEZ GARCIA | CRISTINA | SAN IGNACIO DE VIGO |
| MENDEZ LOIS | RUBEN | TÉCNICO |
| MIRAGAYA LAMA | MARCOS | TÉCNICO |
| PINTOS FIGUEROA | PABLO RUBEN | TÉCNICO |
Olazabal: “A principal preocupación é a sanitaria, a competición é secundaria”
Nesta ocasión será complicado que Galicia, defenda os bos resultados de anos anteriores. “Nestes momentos, a principal preocupación é a sanitaria e comezar coa actividade nos clubs. A competición é secundaria”, afirma Jose Luís Olazabal, presidente FEGALOITA.
Pablo Pintos, dirección técnica de FEGALOITA: “Só convocamos a deportistas que puidesen adestrar en tapiz e con test negativo de COVID19. É como dar un pistoletazo de saída á nova tempada deportiva: comezar coa competición non é o mellor modo, pero as circunstancias ditaron este comezo”
“Participar nun campionato de España con deportistas que levan seis meses e medio sen adestrar é unha irresponsabilidade. Só convocamos a deportistas que puidesen adestrar en tapiz e con test negativo de COVID19. É como dar un pistoletazo de saída á nova tempada deportiva: comezar coa competición non é o mellor modo, pero as circunstancias ditaron este comezo”, afirma Pablo Pintos, da Dirección Técnica da Federación.
