O futuro do triatlón galego ten calidade. Alcobendas acolleu o Campionato de España de Duatlón Contrarreloxo por Equipos de Talento, no que dous equipos de Galicia subiron ao podio. O Triatlón Ferrol clasificouse como subcampión e o AD Náutico de Narón quedou na terceira posición.
O campión estatal foi o Saltoki Trikideak, cun tempo de 00:27:35 no seu conxunto, cun equipo formado por seis atletas. Pola súa parte, o Triatlón Ferrol acadou a posición de prata, cunha marca de 00:28:01, á que aportaron Rebeca Teijeiro, Ainara Pita, Sabela Caneiro, María Filgueiras e Marta Novo.
O podio pechouse co AD Náutico de Narón, cun tempo de 00:28:09. Por este equipo competiron Candela Sánhcez, Erika Pérez, Lucía Piñón, Inés Serantes, Andrea De La Mano e Candela De La Calle.
Os resto de equipos galegos
Nesta competición de Duatlón CRE Talento tamén competiron outros tres clubs galegos. O Cidade Fluvial de Lugo finalizou na novena posición, cunha marca de 00:29:33. Neste equipo participaron Paula Castro, Isabel María Navarro, Celia Ruíz, Lucía Darriba, Carla Fernández e Inés Gómez.
Uns postos máis abaixo, na posición 14ª, o Triatlón Inforhouse Santiago acadou un tempo de 00:30:22. Dentro deste club participaron Lea Mota, Sabela González, Noa Talbo, Uxía Bouzas, Valeria Batire Guridi e Candela Porto.
Finalmente, o AD Fogar rematou na 22ª posición, cun tempo de 00:32:!1, cun equipo formado por Irea Adriana Alen, Cristina López, Elena Haz, Sofía Alberte, Marta González e Alejandra Gómez.
