- “A presión témola sempre”
- “Que esperamos? Ascender. Iso é polo que loitamos”
- “Falamos de equipos galegos e temos a sorte de que ascenda quen ascenda, van ser de aquí”
Coa Primera Nacional parada polas festas de Nadal, o Viajes Interrías é un dos candidatos con máis posibilidades de facerse co ascenso de categoría. As galegas, adestradas por Luis Treviño, ocupan a primeira posición do grupo 1.
Neste posto de líderes, as xogadoras do Interrías suman nove vitorias, tres empates e só unha derrota, acumulando un total de 30 puntos. As de Portonovo saben gañar tanto na casa, sendo o segundo mellor equipo como local, como fóra, onde ocupan o primeiro posto empatando a puntos co Sárdoma.
Este equilibrio é unha das claves da boa tempada que está a facer o equipo, e tal e como apunta o seu preparador: “Non podes vivir nin da casa nin do que consigas fóra”.
As Nosas: Que valoración fas desta primeira volta?
Luis Treviño: A primeira volta creo que como a posición marca creo que foi moi positiva. Ao final sempre vas deixando puntos polo camiño, pero co obtido ata agora valeunos para acabar cunha pequena vantaxe sobre os demais e no primeiro posto.
As Nosas: Chegades tras un empate ante o Olímpico, pero mantendo oliderado
Luis Treviño: Sabiamos que ía ser un partido complicado. O plantel tiña mentalizado que a semana pasada era o fin da primeria volta e trastocounos os plans por completo, porque tiñamos xogadoras que viaxan fóra e tiñan os seus plans e vóos xa pechados e é moi difícil volver meterse na mecánica, cando xa tes o obxectivo de xogar contra o Avilés e ir a casa.
Pero o traballo feito durante toda a semana foi moi bo e creo que o partido que xogaron ante o Olímpico, malia ser un empate, quizais foi dos mellores partidos da tempada, co balón estiveron incríbles e si que faltounos ao mellor definir mellor situacións que tivemos na área contraria para poder gañar o partido. Despois está claro que se tes fallos atrás pode costarte goles como pasou. O partido, se o chegamos a gañar, non parecería extraño.
As Nosas: Sodes o segundo mellor local, e coincidides co Sárdoma como visitantes. Que preferides?
Luis Treviño: Non, nós a presión a temos sempre. Temos claro que o obxectivo noso é ir a polos 3 puntos en cada partido e non nos inflúe se xogamos na casa ou fóra. Por iso ese equilibrio o temos, somos un equipo que temos só unha derrota a día de hoxe, que foi como visitante fai apenas un mes. Pero nós temos claro que temos que ser tan boas na casa como fóra e fiables e ao final se queres conseguir o obxectivo marcado ten que ser así. Non podes vivir nin da casa nin do que consigas fóra.
Luis Treviño: “Temos que ser tan boas na casa como fóra”
As Nosas: No apartado defensivo, sodes o equipo con menos goles en contra
Luis Treviño: En diferenza de goles creo que estamos en +17 e levamos só 10 en contra. Tamén é certo que a maioría deses 10 foron no último tramo, que encaixamos goles porque estivemos moitas xornadas coa portería a cero. Na racha que tivemos de 7 partidos, se non lembro mal, creo que foron os 2 goles do Dépor e despois estivemos con cinco ou seis porterías a cero. Nós como grupo o temos asumido que temos que traballar todas, e é tanto mérito das porteiras como as defensas, pero tamén das dianteiras que traballan para que así sexa. Esperemos que nese apartado sigamos así porque iso seguramente nos poderá dar bos froitos en cada partido.
Luis Treviño: “A experiencia dinos que ata o final temos que apretar”
As Nosas: Como ides aproveitar o parón de Nadal?
Luis Treviño: Como dixen antes, case lles debemos unha semana ás xogadoras así que terán que cargar máis as pilas a nivel emocional e aproveitar máis o tempo e levarán o seu traballo de rutinas. Pero agora o primordial é cargarse emocionalmente, descargar todo aquelo que non suma, ese estrés de non ver á familia e ás amigas e cargarse para cinco meses trepidantes que nos esperan por diante.
AN: Precisamente, destes meses, que esperades e que equipos cres que poderán rematar nos primeiros postos?
LT: Que esperamos? Ascender. Iso é polo que loitamos. Despois, o que nos acompañe, pois darlle os parabéns a final de tempada. Está claro que agora mesmo está moi marcado que as que estamos nos catro primeiros postos pois calquera delas pode conseguir o premio e incluso equipos consolidados como o Victoria de Coruña ou o Umia que estaba facendo unhas boas xornadas ata hai pouquiño, son os candidatos a meterse alí. O mellor de todo? Que falamos de equipos galegos e temos a sorte de que ascenda quen ascenda, van ser de aquí.
Luis Treviño: “Falamos de equipos galegos e temos a sorte de que ascenda quen ascenda, van ser de aquí”
