O futsalfem galego da elite case fai pleno. So a derrota do Poio Pescamar enzoufa a felicidade dos catro equipos galegos da Primeira División do Fútbol Sala Feminino da RFEF. As conserveiras encadean dúas derrotas consecutivas ao caer na casa 1-2 co Universidade de Alicante.
A colleitada en terras galegas foi o primeiro triunfo das alacantinas, o cal fai máis dolorosa a derrota local. Pero as de Manu Cossío tiveron en fronte a un equipo tan necesitado de gañar que dexouno todo na pista e superou ao Poio Pescamar. O gol que abría o marcador foi de Mariángeles aos 8 minutos de xogo. Ata o 30 no foi quen de empatar o equipo galego. Un gol de Dani Sousa colocaba o electrónico 1-1. Pero so un minuto despois, Sara Roelas anotaba o 1-2 que daría os tres puntos ás foráneas.
As vitorias foron para o Ourense Envialia (4-2) ante o STV Roldán FS, o Pescados Rubén Burela FS que gañaba a domicilio ao Juventut d’ Elx FS (2-3) ao igual que o Marín Futsal que vencía 1-3 na cancha maña do Sala Zaragoza.
Golazo de Café para o Marín FutSal
As deportistas que adestra Raúl Jiménez colleitaban a súa segundo vitoria consecutiva nun partido no que Café marcou dous tantos, un deles, un auténtico golazo de vaselina. A futbolista do Marín Futsal roubaba o esférico nun erro na saída de balón do Sala Zaragoza e, con moita calma, enviaba o balón sobre a cancerbeira local que saía ao seu encontro para tentar freala e se atopou con un disparo que Ana Etayo non puido deter.
Foi este precisamente o tanto que abriu o marcador. Empataría despois o conxunto maño pero as de Marín anotaron dúas veces máis (1-3).
6ª J- 1ª RFEF FSF ( Goles)@SalaZaragoza 0-1 @marin_futsal
Gol de:
Café 14′(Grabaciones propias <HD <THX )
Toda la información del encuentro en…https://t.co/jEwAVtprf4
@rfef pic.twitter.com/Jlu3hJjWOY— Esimportante.es – Futsal Femenino (@esimportante_es) November 8, 2021
Raúl Jiménez: “Non estamos aquí de paso”
O técnico do Marín Futsal advirte que o conxunto galego, recén ascendido, ten a clara intención de manterse “Non estamos aquí de paso”, avisa o técnico.
Raúl Jiménez declaraba ao final do partido: “Viñamos a unha pista complicada. Queremos aumentar a confianza no proxecto e demostrar que non somos un equipo que sube para descender. O club ten claro que quere medrar moito. Hai factores e material para que o club, co paso dos anos, consiga máis cousas e aspire máis. Temos que afinanzarnos na Primeira División. Non estamos aquí de paso. Queremos quedar en Primeira. Esta segunda vitoria vainos dar confianza. Seguro que imos manternos”.
Sobre o estilo de xogo das galegas este baséase en “pecharse atrás, roubar balóns e saír ás contras e estanos saíndo ben”, explicaba o adestrador.
ZONA MIXTA | Raúl Jiménez, entrenador de @marin_futsal:
” , , “#SalaZaragoza ⚽️ pic.twitter.com/QhxwyezrmJ
— Sala Zaragoza (@SalaZaragoza) November 7, 2021
Traballada vitoria das Guerreiras Laranxas
As futbolistas do Pescados Rubén Burela tiveron que traballar para sacar adiante o partido co Joventut d’ Elx e levarse os tres puntos para a Mariña. As locais sorpendía anotando no primeiro minuto de xogo descolocando ás galegas que se viron por detrás no marcador.
O Pescados Rubén Burela, coa expulsión de Jenny na recta final da primeira parte por dobre amarela, conseguiu equilibrar o electrónico tras o descanso.
Até o minuto 22 non chegaba o primeiro tanto do Pescados Rubén Burela obra de Cami, no minuto 22 (1-1). Logo xa empezarían a caer os goles do equipo que prepara Lucas. As Guerreiras Laranxas adiantáronse cun trallazo de Cilene á escuadra. Joventut d’Elx asustaba ás galegas ao devolver as táboas ao marcador froito do seu xogo de cinco. Faltaba medio minuto para que soase abucina. Foi entón cando apareceu Emilly que coa súa maxia tirou partido dun rexeite para que a triunfo fose para as galegas.
Dous goles para remirar: o de Iria Saeta de cabeza e o de bolea de Chiki
Na vitoria do Ourense Envialia, segunda consecutiva, hai que destaca o gol que a nota coa testa a galega Iria Saeta.
Es un buen momento para repasar algunos de los Golazos de la Jornada 6ª:
Ojo que viene cargadita de golazos¡¡
⚽️Mirar la jugada de @OUenvialiaFSF.
Quién dijo que no se pueden marcar goles de cabeza en el fútbol sala¡¡
Golazo de @Iriasaeta10¡¡Vía RFEF#FútbolSalaFemenino pic.twitter.com/OmIaGpqGq3
— ZonaFutsal (@infozonafutsal) November 7, 2021
Outro tanto para ver repetido varias veces é o balón que empalma Chiki desde a frontal da área ao saque dun córner. A futbolista anotaría dous dos catro goles das futbolistas que prepara Gonzalo Iglesias Morenín. Laura Uña completou a terna de goleadoras locais nos Remedios.
Atent@s a los Golazos que vienen ahora.¡¡
⚽️Mirad pequeñ@s: asi también se marca un golazo¡¡
Ojo a como empala el balón Chiki (@jessiquevalgo), jugadora de @OUenvialiaFSF en el partido ante @RoldanFSF.
Espectacular¡¡Vía RFEF#FútbolSalaFemenino pic.twitter.com/a9lJhyNbfw
— ZonaFutsal (@infozonafutsal) November 7, 2021
Así vai a liga na Primeira co Burela segundo
Logo desta nova fin de semana de competición, o Pescados Rubén Burela FS está segundo a dous puntos das líderes invictas as futbolistas do Atlético Navalcarnero que levan seis partidos gañados de seis. As da Mariña so cederon un empate. Foi na xornada 2 na cancha do Poio Pescamar.
Precisamente o seguinte equipo galego na clasificación son as conserveiras que ocupan a sétima praza. Levan 2 partidos rematados en táboas. Ademais dese derbi galego da 2ª xornada, tamén finalizaron con empate contra o Atlético Torcal 3-3 xogando como locais. Gañáronlles o STV Roldán FS que as superaba cun 6-4 na 6ª xornada e, como indicábamos antes, nesta última fin de semana perdían co Universidade de Alicante (1-2), esta vez como locais.
A próxima xornada terá lugar o o sábado 13/11/21 a excepción do cruce entre STV Roldán FS e AE Penya Esplugues que reservan o seu cruce para a mañá do domingo (11:30 h).
Abre a xornada o Marín Futsal que recibe ao pechacancelas, o Joventut D’ Elx ás 16:00 horas. As de Marín levan tres compromisos sen perder e non entrará nos seus planes romper a serie positiva coas colistas.
Vista Alegre acollerá o partido pola Igualdade na Primeira
O Burela Pescados Rubén ten un compromiso complicado ás 18:30 horas do sábado recibindo ao Fútbol Sala Femenino Móstoles, cuarto clasificado e serias aspirantes a dar loita nese postos altos. As madrileñas non poderá arrebatar a segunda praza ás da Mariña, que lles levan catro puntos, pero si poderían recurtar distancias. Este encontro dedicarase á loita pola igualdade efectiva de mulleres e homes. O encontro ante o
Tócalle viaxar a Ourense Envialia que visita a cancha do Universidad de Alicante. ás 19:00 horas. Logo de perder os seus tres primeiros compromisos ligueros, as xogadoras que adestra Morenín colleitaron un empate co Marín e levan dúas vitorias consecutivas. Dixeron adeus á zona de perigo pero seguir sumando sería moi importante para as ourensás, máis aínda cando falamos dun rival asequible, canda menos sobre o papel.
Á mesma hora que as ourensás visita o Poio Pescamar ao CD Leganés. En xogo estará a sexta praza que as galegas tentarán arrebatarlle ás madrileñas para volver escalar postos na táboa e reencontrase co triunfo.
XORNADA 7ª PRIMEIRA DIVISIÓN FÚTSALFEM RFEF
SÁBADO 13/11/21
- Marín Futsal - Clínica Blasco Joventut D’Elx | 16:00 horas | A Raña
- Futsi. At. Navalcarnero - Melilla Sport Capital Torreblanca | 18:00 horas | La Estación
- At. Torcal – Sala Zaragoza | 18:30 horas | Guadaljaire
- Pescados Rubén Burela – FSF Móstoles | 18:30 horas | Vista Alegre
- CD Leganés - Poio Pescamar | 19:00 horas | La Fortuna
- Universitat D’Alacant - Ourense Envialia | 19:00 horas | Mutxamel
- Rayo Majadahonda Afar 4 - Arriva AD Alcorcón FSF | 20:00 horas | La Granadilla
DOMINGO 14/11/21
- STV Roldán - Penya Esplugues AE Gabriel Pérez 11:30 horas
Todos os partidos desta categoría emítense en vivo nas webs oficiais da RFEF e LIVE Vuvuzela.
