Tres derrotas colleitou Galicia no inicio do campionato de selección territoriais de baloncesto en Huelva. As galegas tanto en categoría cadete como en infantil non comezaron co bo. Ademais, as cadetes fallaron por partida dobre, xa que xogaron na mañá a na tarde a primeira e a segunda xornada do seu grupo.
As cadetes perden no primeiro partido contra as valencianas
A selección galega perdeu ante as valencianas por 41 a 59. No primeiro cuarto as de Rubén Vázquez estiveron moi cerca das de Valencia. Pero no segundo tempo, as cadetes galegas non eran capaz de meter canastra. Comezaron a fallar na mecánica do tiro.
O paso polo vestiarios despertou as galegas. Non foi o suficiente para poder acadar a vitoria. A máxima vantaxe da comunidade valenciana foi de 22 puntos. Non tiveron descanso xa que pola tarde xogaron contra a selección de Madrid.
FICHA TÉCNICA
SELECCIÓN GALEGA: Clara Prieto, Alejandra Castaño, Raquel Vázquez, Lucía Sotelo, Lorena Lorenzo —quinteto inicial—, Yhoranna Dias, , Clara Fidalgo, Paloma Mendoza, Lucía Galán, Claudia Fiel, Marta Andrade e Carlota Aparicio.
SELECCIÓN VALENCIANA: Carmen Villanueva, Lucía Rodríguez, Lucía García, Alejandra Linares, Alba Rovira —quinteto inicial—, Natalia Romero, Lucía Navarra, Marina Hernández, Marina Bleda, Aitana Marques, Lucía Reos e Inés Monteagudo.
ÁRBITROS: Carlos Aznar Casero e Carlos Manuel Betanzos García.
PARCIAIS: 9-13, 3-14, 13-14, 16-18 (41-59).
Estrea negativa para as infantís ante Asturias
O ano pasado proclamábanse terceiras neste mesmo campionato. Pero os inicios en Huelva non foron os mesmos. O combinado galego viuse superado polo seu rival, Asturias. Estas destacaron polo seu acerto en ataque (39-63).
Nos primeiros dez minutos as astuarianas amosáronse máis metidas no xogo. Aproveitaron tamén a súa efectividades e tiveron moitas segundas opcións no rebote. As infantís galegas pecaban de pouca concentración. O que fixo que deixaran o primeiro cuarto cun 4 a 19 a favor das astures.
A pequena mellora apareceu no segundo cuarto. As galegas estiveron presentes nun escenario moi fugaz que volveu a dominar Astuarias. Marcaron a distancia de cara ao descanso (18-33).
Finalmente, na segunda metade desde duelo de comunidades veciñas continuaba a ser de poder astuariano. Galicia precipitábase no ataque e, pola contra, o acerto asentábase no bando contrario.
Deixaron o camiño da vitoria no terceito tempo (26-36). As astuarianas rubricaron os últimos dez minutos sen ningunha complicación e cun partido ben traballado (39-63).
As galegas xogarán mañá (4 de xaneiro) ás 13.30 horas contra a selección das Illas Baleares.
FICHA TÉCNICA
SELECCIÓN GALEGA: Cloe Vecina, Aroa Piñeiro, Claudia Lado, Uxía Rodríguez, Irene Noya —quinteto inicial—, Sofía Villar, Laura Martín, Irene Freitas, Inés Sotelo, Sara Labrada, Iris Comesaña e Teresa Cabello.
SELECCIÓN ASTURIANA: Iyana Martin, Marina García, Cristina Moralejo, Ana Fernández, Paula Montalban —quinteto inicial—, Marta Rodríguez, María Movilla, Covadonga Pérez, Lucía Martínez, Julia Díaz, Carmen Martínez e Candela Balán.
ÁRBITROS: Sergio Castro Pulido e Adrián Rodríguez Peguero.
PARCIAIS: 4-19, 14-14, 8-23, 13-7 (39-63).
Segunda e dolorosa derrota para as cadetes
O conxunto dirixido por Rubén Vázquez volveu a xogar pola tarde. No segundo partido comezaron por diante pero o carácter e a boa circulación de balón das madrileñas pronto se fixo notar (55-46).
Nos primeiros dez minutos a igualdade entre ambas seleccións era moi perceptible. Traducido no electrónico cun 15 a 15. Pero no segundo estenderíase a situación. Un xogo de ida e volta marcado polos nervios en ambos bandos fóronse ó descanso con todo aínda por contar (25-28).
Tras o ecuador do encontro, Galicia estivo máis desacertada ante o aro. Tamén menos poderosa na defensa. Isto deixaba marchar a Madrid tanto no marcador como no control do partido. Chegaron aos derradeiros e decisivos dez minutos seis arriba: 43 a 37.
Esta lixeira marxe serviu as madrileñas para seguir sumando o acerto ante a canastra. Axudadas pola puntería ante a liña de tres acadaron a vitoria.
Mañá (4 de xaneiro) ás 19.30 horas enfróntanse á selección do País Vasco.
FICHA TÉCNICA
SELECCIÓN MADRILEÑA: Alejandra Zuñiga, Paola de Mier, Habtenesh Maryam Calvo, Paloma Simon, María Valdeande —quinteto inicial—, Marta Blanco, Marta Gómez, Zahira Arizmendi, Paula Saravia, Laura Bernardo, , María Marcela Pinedo e Ana Picos.
SELECCIÓN GALEGA: Clara Prieto, Raquel Vázquez, Alejandra Castaño, Lucía Sotelo, Lorena Lorenzo —quinteto inicial—, Yhoranna Dias, Clara Fidalgo, Paloma Mendoza, Lucía Galán, Claudia Fiel, Marta Andrade e Carlota Aparicio.
ÁRBITROS: Jesús Criado García e Rodrigo Fernández Martín.
PARCIAIS: 15-15, 10-13, 18-9, 12-9 (55-46).
