A enseada de Riazor e o Orzán acolleu a celebración do trofeo Bandeira Cidade da Coruña, correspondente á primeira xornada da nova tempada de traiñeiras da ACT, que inclúe dúas competicións: a Eusko Label Liga, con tripulacións masculinas, e a Euskotren Liga, con tripulacións femininas.
🎙️Alejandra Rios
🚣 @DLagunak #Euskotrenliga pic.twitter.com/Bt4x7OXbxG— Eusko Label Liga / Euskotren Liga (@actraineras) June 29, 2024
Ao igual que o ano pasado, a cidade herculina abriu camiño ao inicio do curso de traiñeiras, no que participan clubs de Euskadi e tamén galegos. Cabo de Cruz, Bueu e Tirán representaron hoxe a Galicia nas regatas disputadas ao longo da xornada, que comezou pouco despois das 17.00 horas e estendeuse ata finais da tarde.
🎙️Lucía España
🚣 @crcabodacruz #euskotrenliga pic.twitter.com/teqtLQNq0h— Eusko Label Liga / Euskotren Liga (@actraineras) June 29, 2024
As embarcacións participantes na Euskotren Liga, a categoría feminina, foron as encargadas de abrir o día de competición, con dúas tandas consecutivas, nas que resultaron vencedoras Donostia Arraun Lagunak e Tolosaldea Arraun Kluba, sendo a primeira a que acadou o mellor tempo e se coloca primeira clasificada.
Xa a continuación, os clubs que toman parte na Eusko Label Liga, a categoría feminina, disputaron outras tres tandas, nas que os mellores tempos obtivéronnos Orsa Hondarribia, Amenabar Donostiarra e Bermeo Urdaibai, conseguindo esta última o mellor tempo e colocándose líder.
¡FELICIDADES @DLagunak por la victoria en la VII Bandeira Cidade da Coruña! #EuskotrenLiga pic.twitter.com/assrxPHf0J
— Eusko Label Liga / Euskotren Liga (@actraineras) June 29, 2024
A minixira galega da ACT chega mañá a Bueu
A celebración do trofeo Bandeira Cidade da Coruña que tivo lugar este sábado 29 na cidade foi a primeira parada da minixira galega que levarán a cabo os clubs que compiten esta tempada nas ligas de traiñeiras.
Mañá, domingo 30, os equipos disputarán a segunda xornada en augas do concello pontevedrés de Bueu. O calendario de competición continuará na primeira fin de semana de xullo no País Vasco, na cidade de Donosti e o municipio de Zierbena.
