O CRAT Residencia Rialta foi quen de leverse os puntos en xogo ante o Club Rugby Sant Cugat, nun partido que se complicou por momentos. Foi unha tarde case estival con vento moderado a que se viviiu no campo de Elviña para disputar a terceira xornada (segunda a efectos prácticos polo adiamento da primeira ao completo por partidos internacionais) da liga Iberdrola.
O conxunto herculino do CRAT Residencia Rialta, que empezou a campaña con numerosas baixas, empeorou mesmo a súa situación, xa que só conseguiu recuperar un efectivo para esta xornada, perdendo con todo a dúas das súas xogadoras internacionais por convocatoria coa Selección.
Aínda que foi CR Sant Cugat quen deu o primeiro golpe cunha patada a paus, na primeira metade o conxunto coruñés foi bastante superior. Cunha boa defensa e catro ensaios por ningún das catalás, deixaba a este vinte puntos por detrás no marcador e co encontro moi costa arriba.
O Sant Cugat métese no partido e achégase ao CRAT
A segunda metade con todo o panorama cambiou por completo. A defensa do CRAT Residencia Rialta baixou a súa eficacia respecto do que nos ten afeitos e pola contra CR Sant Cugat aumentou o ritmo, anotando dous ensaios consecutivos e meténdose de cheo no encontro.
Uns minutos nos que as xogadoras que adestra a dupla conformada por Helen e Jos recuperaron o ton serviulles para anotar un ensaio e coller aire, pero, pouco duraría a tranquilidade xa que as catalás mantiveron o nivel levándose dúas marcas máis e chegando a ter incluso unha última posesión na que pelexaron infructuosamente por empatar o partido.
Algunas fotos de la jornada de ayer de nuestro sénior femenino A vs @CRAT1976
CRAT 33-26 CRSC
📸 Alberto Segade pic.twitter.com/KDaca2gA1c— Rugby Sant Cugat (@rugbysantcugat) October 11, 2021
Boa vitoria para o CRAT Residencia Rialta que, aínda que espera poder gañar enteiros no seu xogo segundo vaia recuperando xogadoras, logrou catro puntos importantísimos ante un rival de entidade como o é o recentemente ascendido CR Sant Cugat, que chegou á categoría con visos de quedar.
FICHA TÉCNICA
33) CRAT RESIDENCIA RIALTA: Divi Leis, Bárbara Murillo, Maica Martí, Leyre Bianchi, Iria Anidos, Maitane Buján, Paula Medín, María Veiga, Ana Iglesias, Isabel Fontanarrosa, Jess Martín, Claudia Barrio, Maisie James, Tania Martínez e Estela Salinas. Tamén xogaron: Alejandra Vitoria, Sara Antúnez, Mencía Martínez, Ana Montero, Coro Repulles, Paulina Alcoleas e Alejandra Fernández.
26) C.R. SANT CUGAT: Maritxell Tur, Laia Azorín, Linda López, Beatriz González, Paula Pou, Vitoria Gil, Irene Aires, Carla Arca, Carla Pagan, Raquel García, Axelle Ramón, Sara Marín, Alysha Stone, Marta Segura e Ana Mª Iglesias. Tamén xogaron: Carla Moraleda, Paula Neto, Carmen Menacho, Marta Valldeperas, Emma Toscano, Sara Buetas e Ilham Chouaib.
MARCADOR:
- Min 6; 0-3 Golpe de castigo transformado por Vitoria Gil
- Min 7; 5-3 Ensaio de Paula Medín
- Min 14; 12-3 Ensaio de Claudia Barrio transformado por Ana Iglesias
- Min 15; 12-6 Golpe de castigo transformado por Ana Mª Iglesias
- Min 37; 19-6 Ensaio de María Veiga transformado por Ana Iglesias
- Min 40; 26-6 Ensaio de Maitane Buján transformado por Ana Iglesias
- Min 50; 26-11 Ensaio de Raquel García
- Min 59; 26-16 Ensaio de Paula Neto
- Min 67; 33-16 Ensaio Maica Martí transformado por Ana Iglesias
- Min 72; 33-21 Ensaio de Sara Buetas
- Min 78; 33-26 Ensaio de Paula Neto
