Na mañá de onte, sábado 9 de setembro, o fútbol e a solidariedade déronse a man na I Xornada Solidaria AFAC ‘Facendo Cidade’ que organizaba a Asociación de Fútbol Aficionado en A Coruña e na que colaboraba o Concello da Coruña. A organización contou con Pili Neira como alma mater. A cita tivo lugar nos Campos da Torre. A meta era conseguir 500 litros de leite para doar á Cocina Económica. Esta I Xornada Solidaria AFAC ‘Facendo Cidade’ recadou finalmente un total 2.200 litros de leite: misión cumprida.
Houbo partidos de categorías alevín feminino (un triangular no que participaron Silva, Orzán e Victoria), veteráns, e amateur mixto con representación de persoeiro públicos entre os que estaban representantes da política, do xornalismo e persoas famosas como o actor Touriñán. No equipo de xornalistas estivo en representación de As Nosas o noso compañeiro Martín Pais.
1. Alevíns na I Xornada Solidaria AFAC / AFAC
Alevíns na I Xornada Solidaria AFAC / AFAC
2. Alevíns na I Xornada Solidaria AFAC / AFAC
Alevíns na I Xornada Solidaria AFAC / AFAC
3. Alevíns na I Xornada Solidaria AFAC / AFAC
Alevíns na I Xornada Solidaria AFAC / AFAC
4. Alevíns na I Xornada Solidaria AFAC / AFAC
Alevíns na I Xornada Solidaria AFAC / AFAC
Foi unha xornada solidaria na que o obxectivo era recadar comida non perecedeira, nomeadamente leite, para a Cocina Económica. Sendo o obxectivo inicial acadar 500 litros a cifra superouse con creces ao chegarse a colectar 2.200 litros de leite para a Cocina Económica.
Nesta I Xornada solidaria AFAC xogáronse estos cruces
Campo da Torre 2:
Alevín Feminino:
- Silva SD – Orzán SD
- Perdedor Primeiro Partido – Victoria CF
- Victoria CF – gañador Primeiro partido
Veteráns:
- Veteráns RC Deportivo – Selección de Veteranos
No Campo da Torre 5:
- Asociación Prensa – Famosos
- Perdedor Primer Partido – Políticos da Corporación Municipal da Coruña
- Políticos da Corporación Municipal da Coruña – Gañador Primeiro Partido
Os Kilomberos de Monte Alto e a súa percusión sumáronse a esta actividade deportiva e solidaria animando.
Na lista de futbolistas convocados para o partido amateur había xornalistas, deportistas, persoas famosas e concelleiros como: Touriñán, Fede, Carlos Ares, Xosé Cendan, Xesus Cachorro, Luis Penide, Pedro Nimo, Sabin Bilbao, Mauro Triana, Gabriel Rodríguez, Carlos Cortes, Alejandra Fernández, Pablo Varela, Óscar Martínez, Loreto Silvoso, Moncho Viña, Alex Centeno, Alex Soto, Lis Franco, Armando Palleiro, José Carlos Tuñas, María Bilbao, Estefanía Méndez, Divina Leis, Alba Canosa, Manuel Vázquez, José Manuel Lage, Diana Cabanas, Montse Paz, Gonzalo Castro, Francisco Jorquera, David Soto, Avia Veira, Roberto Rodríguez, Gonzalo Mora, Susana Catalán, Roberto García e Martín Pais (do equipo de redacción de As Nosas).
