As bancadas dos recintos deportivos que acollan probas dos Xogos Olímpicos e Paralímpicos de Toquio 2021 so contarán con público xaponés. O Comité Olímpico Internacional (COI) e o goberno de Xapón confirmaron a decisión de vetar o acceso a público extranxeiro para frear o posible contaxio da COVID-19 durante a celebración das probas dos XX.OO.
Así, o acontecemento deportivo máis importante do ano, que xa sufrira a o seu adiamento un ano, terá que celebrarse sen persoas de fóra de Xapón in situ.
Tamayo Marukawa é a ministra xaponesa a cargo dos Xogos Olímpicos e foi a encargada de comunicalo logo dunha reunión con persoas do comité organizador de Toquio 2021, co COI e do Comité Paralímpico Internacional (CPI).
Anunciouse tamén que se devolverán os cargos das entradas xa vendidas ao público de fóra de Xapón.
Según recolle o comunicado publicado na páxina oficial do xogos a organización explica a situación e di que continuarán “facendo todo o posible para ofrecer uns Xogos seguros e protexidos coa esperanza de que os Xogos Olímpicos e Paralímpicos de Toquio 2020 sexan unha luz de esperanza para as persoas de todo o mundo”.
Se é, Toquio será diferente
Se finalmente se celebran e a COVID-19 non volve dar ao traste coa celebración da gran festa do deporte mundial, o que si parece claro e que Toquio 2021 (ou Tokyo 2020 xa que xe mantén o nome comercial) serán uns Xogos Olímpicos totalmente diferentes aos de edicións previas.
