Domingo de derbi coruñés entre o Deportivo ABANCA B e o Victoria CF. As cebras chegan ao partido en boa dinámica tras gañar os seus tres últimos duelos ligueiros. O Dépor B, pola contra, acumula tres citas sen gañar e tentará facerse forte no seu feudo para non deixar escapar máis puntos e engancharse á zona alta.
As cebras chegan co bastantes baixas ao partido e Toño, destacou durante a previa que “o importante é competir ben alí. Imos cun cadro de lesións importantes pero confiamos en que podamos facer un bo partido alí. É verdade que gañarlle dúas veces ao Dépor no mesmo ano é complicado”.
Toño, adestrador do Victoria CF: “O importante é competir ben alí. Imos cun cadro de lesións importantes pero confiamos en que podamos facer un bo partido alí. É verdade que gañarlle dúas veces ao Dépor no mesmo ano é complicado”.
No partido de ida, as pupilas de Toño conseguiron unha gran vitoria e impoñerse ao filial deportivistas por 2-0. Unha xesta que todo o equipo das cebras é consciente da dificultade de poder repetir na mesma tempada.
A pesar de que os derbi son sempre un partido especial, o técnico galego sinalaba que son duelos no que “non deixa de ser un partido máis. Son tres puntos nun partido bonito de xogar en Abegondo contra o equipo top da cidade. Este duelo preparámolo como o resto, tratando de axustar todas as pezas e focalizar nos puntos fortes e débiles tanto delas como noso”.
Toño, adestrador do Victoria CF: “Non deixa de ser un partido máis. Son tres puntos nun partido bonito de xogar en Abegondo contra o equipo top da cidade”.
A pesar do mal refacho de resultados do Dépor B, o adestrador galego non se fía: “Dá igual que leven tres partidos sen gañar. O Dépor é unha selección de xogadoras cun potencial moi grande e seguramente terá moitas ganas de gañarnos tras o resultado do partido de ida”.
Toño, adestrador do Victoria CF: “Dá igual que leven tres partidos sen gañar. O Dépor é unha selección de xogadoras cun potencial moi grande e seguramente terá moitas ganas de gañarnos tras o resultado do partido de ida”.
