A pasada fin de semana, do 16 e 17 de xaneiro, Alacante acolleu a Liga Nacional Iberdrola, correspondente á competición feminina de karate na que competiron seis galegas, logrando dúas delas medalla: Cristy Tojo e Ruth Lorenzo.
As karatekas competirono domingo desde as 08:30 horas da mañá no pavillón municipal Central Pitiu Rochel. Cristy Shedimar Tojo, do Ávalon Kai, o fixo na modalidade kata discapacidade visual, categoría na que logrou un ouro.
Pola súa banda, Ruth Lorenzo, do San Francisco Teo, competiu en -55 kg da categoría kumite sénior, onde quedou nun terceiro posto. A karateka declarou no seu perfil de Instagram que “aínda que as cousas non saíron todo o ben que me gustaría, estou contenta de estar unha vez máis no podio co nivelazo que había”.
Ver esta publicación en Instagram
Ademais de Tojo e Lorenzo, outras catro galegas competiron no torneo
Ademais delas, tamén participaron nesta Primeira Fase da Liga Nacional outras catro karatekas galegas.
No nivel de cadete a paticparon Lena Álvarez, do River Stone, en categoría kata e Valeria Montero, do Bunkai, en kumite -54kg.
Na sénior, adeamais de Lorenzo, dúas deportistas competirán por Galicia na categoría kumite. Lucía Herrero, do River Stone, en -55 kg e Lucía Guerrero, do Renbu Kan, en -68 kg.
Tamén viaxaron Xavier Santos, Nicolás Pinaque e Alejandro Felpeto para competir no torneo masculino. O último deles, volveu cun bronce en kumite sénior -84 kg.
Seis karatekas representarán a Galicia na Primeira Fase da Liga Nacional Iberdrola
