Ao longo desta fin de semana celébrase en Silesia o Campionato de Europa de Nacións Superliga, na que Ana Peleteiro e Belén Toimil compiten co equipo español. O torneo que se leva a cabo na cidade polaca acollerá ás mellores atletas do continente.
A delegacións española está formada por 25 mulleres e 25 homes, que enfrontaranse a outros seis países: Francia, Alemaña, Gran Bretaña, Italia e Portugal. Caeuse da lista de participantes Ucraína, por varios casos positivos de COVID-19 no seu plantel. Así, este equipo descenderá de categoría e o único que non dispute a Superliga no 2023.
Peleteiro queda quinta no Europeo de Nacións
Ana Peleteiro competiu no triplo salto, quedando por debaixo da súa mellor marca persoal, 14.59m., e da súa mellor marca desta tempada, nos 14.31m. alcanzados o pasado 8 de maio. A de Ribeira partía como a unha das mellores participantes, sendo segunda no ránking europeo.
Cos seus 13.91m., Peleteiro quedou a 0.21m. de distancia da campioa, a francesa Diallo e sumou tres puntos ao equipo español. Esta competición non foi a mellor para as ateltas europeas. Só a polaca Szostak, terceira clasificada, mellorou a súa marca persoal, cun 13.96m.
CAMPEONATO DE EUROPA DE NACIONES @silesia21
🚺Triple
5ª @apeleteirob 13.91 (3 puntos)📺https://t.co/GmixCR2kLG#EspañaAtletismo #PasiónPorCompetir pic.twitter.com/KwaMPdyzz2
— atletismoRFEA (@atletismoRFEA) May 29, 2021
Toimil competirá o domingo
Pola súa parte, a mugardesa Belén Toimil competirá este domingo ás 14:45 horas. A galega intentará superar a súa mellor marca desta tempada, actualmente nos 16.53 m., algo por debaixo da súa mellor marca persoal, os 17.38m. No ránking europeo, a de Mugardos é a 26ª clasificada.
A plusmarquista nacional de peso chega cunha MT en pista cuberta de 18.64m., terceira no ránking da tempada das participantes, aínda que ao aire libre acadou os 17.06m., sendo a quinta entre as inscritas.
Ver esta publicación en Instagram
A falta de disputar a xornada do 30 de maio, o equipo español marcha como sexto clasificado, sumando un total de 81 puntos, e por detrás de seleccións como a de Francia, Italia, Gran Bretaña, Polonia e Alemaña. Por debaixo das españolas segue Portugal.
