A pandemia non frea as competicións nacionais de atletismo e este sábado, 6 de febreiro, celebrarase a Copa de España, Campionato de España de Clubs feminino “Copa Iberdrola” en pista cuberta. Nesta cita competirá o Playas de Castellón cunha galega no seu equipo: Belén Toimil. E no Valencia Club Atletismo, outras dúas: Solange Pereira, que correrá os 800 metros e as remudas de 4×400 metros e Saleta Fernández, competindo en altura.
A competición en categoría feminina, a Copa Iberdrola, celebrarase en horario matutino, desde as 11:00 horas, no Palau Sant Jordi. A lista de atletas inscritas roza o centenar. Ahí competirán Solange Pereira, Saleta Fernández e Belén Toimil, que chega en moi boa forma para afrontar o concurso no lanzamento de peso.
Polo que atinxe á lanzadora Belén Toimil é a líder española do ano en peso (17.21 MP o pasado día 30 de xaneiro en Madrid). Xunto á galega estarán atletas como Ona Rosell, Paula Sevilla, Andrea Jiménez, Daniela García, Winnie Nayondo, Cristina Ruíz, Aitana Radsma, Claudia Conte, Yuliana Angulo, Patri Sarrapio e Romana Malakova entre outras.
Estas deportistas do Playas de Castellón, entre as que está Toimil, loitarán por estar no podio en probas de 60 a 800 metros, vallas, lonxitude e pértiga.
No caso de Solange Pereira, que milita no Valencia Club Atletismo, a corredora afrontará dúas probas. En solitario correrá os 800 metros e, como equipo, forma parte da remuda dos 4×400 metros na que tamén está Laura Bueno, Carmen Sánchez e máis Elena Moreno.
Tamén competirá a súa compañeira de equipo Saleta Fernández. A deportista parte como unha das mellores atletas de altura e é clara favorita a rematar a competición no podio optando a medalla.
Nuevo líderes 🇪🇸 del año en pista cubierta
23.1 SANTANDER
Altura 🚹 2.16 @Bolado221
Altura 🚺 1.86 @3SaletaFdez (9ª= all time)23.1 OVIEDO
Peso 🚹 @CarlosTobalina 18.8623.1 MADRID
200m 🚺 @paulasevilla7 23.94 pic.twitter.com/CPdcjGCCKl— atletismoRFEA (@atletismoRFEA) January 24, 2021
As probas de Pista Cuberta celebraranse nun pavillón que hai algo máis dun cuarto de século foi o escenario do Campionato do Mundo.
Seguindo as medidas sanitarias, a competición disputarase a porta pechada e só poderán acceder as persoas previamente acreditadas. Ademais, seguirase un estrito protocolo COVID.
Esta proba, na que o equipo de Belén Toimil é un dos favoritos e actual campión da Copa Iberdrola, poderá seguirse gratuitamente grazas ao streaming de LaLigaSportsTV.
