O atletismo galego non tivo representación con equipos na final polo título da División de Honor na Liga Iberdrola de clubs, pero si a tivo con atletas. Belén Toimil e Saleta Fernández foron as máximas representantes, acadando un ouro cada unha, nunha competición na que tamén estiveron as galegas Claudia Rojo e Felicia Tilea.
A plusmarquista Belén Toimil, do Playas Castellón, fíxose coa vitoria no lanzaemnto de peso cun gran disparo que acadou os 17.62 metros, superando a todas as súas rivais. Con esta marca, a mugardesa non mellorou o récord, establecido por ela mesma no campionato de Torum o pasado mes de marzo, nos 18,64.
Saleta Fernández, pola súa banda, participou representando ao Valencia CA, e acadou o ouro como Toimil, pero no concurso de salto de altura cunha marca de 1.75. Con esta cifra, quedou preto dos dous récords establecidos por Ruth Beitia, pero non chegou a superalos.
DIVISIÓN DE HONOR – TÍTULO 🚺
Altura
1ª @3SaletaFdez @ValenciaCAes 1.75🔗https://t.co/JbKCs9H1mw
📺https://t.co/g1yC2TPVay#CEclubes2021 #LigaIberdrola pic.twitter.com/zvb1n5iYZb— atletismoRFEA (@atletismoRFEA) June 13, 2021
Outra galega que competiu polo título do campionato foi Claudia Rojo, do mesmo equipo. A atleta rematou en sétima posición nos 100 metros valos e competiu co equipo do 4x100m, rematando na poisción de bronce. Pola súa parte, Felicea Tilea, do Alcampo Scorpio 71, finalizou cuarta no lanzamento de xavelina.
