Os próximos 8 e 9 de maio a localidade croata de Split acollerá a Copa de Europa de Lanzamentos. Nesta XXI edición participará a galega Belén Toimil, na categoría de peso absoluto, xunto á murciana Úrsula Ruíz.
O seleccionador nacional José Peiró ven de facer pública a lista de convocados para esta nova edición, a primeira desde a pandemia, xa que a de 2020 tivo que ser aprazada. Orixinalmente a sede situábase en Portugal, pero finalmente Croacia é o país elixido para a Copa de Europa. Nesta nova competición continental participarán preto de 400 deportistas representando a 42 países.
Belén Toimil encabeza aos plusmarquistas españoles que competirán neste mes de maio. No pasado Campionato de Europa de Pista Cuberta, a lanzadora batiu o récord de España en pista cuberta e ao aire libre cunha marca de 18,64 metros. Con esa distancia, a de Mugardos ten a mínima olímpica asegurada.
Belén Toimil: “Son sétima de Europa. Quen mo tería dito hai uns días!”
