Arrinca na localidade polaca de Torun con protagonismo das atletas galegas Belén Toimil e Ana Peleteiro, en lanzamento de peso e triplo salto, respectivamente. Trátase da cita atlética máis importante da tempada invernal, onde entre hoxe xoves 4 de febreiro e o domingo 7 disputarase o Campionato de Europa de Pista Cuberta antesala do que serán os Xogos Olímpicos de Tokio previstos para a finais do mes de xullo e principios de agosto deste mesmo ano.
Belén Toimil será a primeira das galegas que vai competir sobre o Arena Torun disputando o concurso de lanzamento de peso. Como lembra a Federación Galega de Atletismo, as credenciais da mundialista en Londres 2017 son formidables esta tempada, onde ten chegado a conseguir o seu primeiro título de campioa de España de pista cuberta. Foi quen de asinar unha mellor marca persoal (MMP) de 17.86 m. que a convertin na segunda mellor marca da historia.
Os obxectivos pasan por estar atacando a barreira dos 18 metros o que lle podería facer soñar cun histórico posto de finalista. O ranking continental está liderado pola lanzadora portuguesa Auriol Dongmo con 19.65 m. ocupando a galega o décimo cuarto lugar. As series clasificatorias serán hoxe, xoves día 4 ás 19.15 horas, e a final o día 5 as 19.06 horas.
A triplista Ana Peleteiro compite en Torun desde o venres 5
Ana Peleteiro sen lugar a dúbidas é unha das atletas que centrará boa parte dos focos de atención xa que terá a difícil papeleta de defender o seu último título continental logrado en Glasgow 2019. Sería precisamente nesa edición onde a riveirense efectuaba o seu mellor rexistro personal chegando ata os 14.73 m. que representan a actual plusmarca nacional.
A saltadora que se caracteriza pola súas boas prestacións na alta competición, terá que estar nos seus máximos niveis xa que fronte ela terá a dúas importantes saltadoras, a griega Papahrístou con 14.60 m. e a bielorrusa Skvartsova con 14.39 m. A fase de clasificación do triplo será o día 6 ás 12.00 horas e a final o día 7 as 17.20 horas.
Teledeporte emitirá a competición
¡Información de servicio!#EspañaAtletismo #Torun2021
Previa 📝 https://t.co/c4nQPLYQ9W
Dossier 📝 https://t.co/Oc43tIw1lm
Miscelánea 📝 https://t.co/5kNPgcBn7S📺 @teledeporte ⏰ 19:10-20:25
🖥 +TDP directo toda la jornada pic.twitter.com/8Jisjp1rpz— atletismoRFEA (@atletismoRFEA) March 4, 2021
