O adestrador asturiano do Mecalia Atlético Guardés, Abel González, valorou con naturalidade o cruzamento de cuartos de final da EHF European Cup contra o Madeira. “Tocounos un equipo duro, como todos os que nos podiamos atopar. Vainos a custar sacar a eliminatoria”, expresou o técnico do conxunto da Guarda.
Sobre o equipo portugués en si, Abel González debullou o seu potencial explicando: “Ten moi boas xogadoras, unha vella coñecida como Érica Tavares, boa pivote, boa portaría, os extremos teñen calidade… Non nos van a pór as cousas fáciles”, apuntou.
“Xa estamos a buscar toda a información que sexa posible para poder preparar ben a eliminatoria. Será importante para sacala adiante”, concluíu González, técnico do Mecalia Atlético Guardés.
O Madeira, rival do Mecalia Atlético Guardés nos cuartos de final da European Cup
