Búscanse aboadas! Diferentes entidades deportivas galegas lanzan, como cada ano, a súa campaña de captación de masa social, pero estamos nun escenario moi diferente: seguimos vivindo unha pandemia mundial. Que ideas se lles ocurrirían aos clubs do deporte feminino galego para contar con seareiras? As Nosas fixo unha procura en redes para coñecelo
En época de crise, as palabras de ánimo e forza nunca están de máis. Moito menos nun ano como o 2020, que tanto lle roubou ao mundo do deporte. Porén, lonxe de afundir, equipos e clubs deportivos de toda Galicia queren cobrar parte desa débeda. Por iso, nas últimas semanas, conxuntos de toda a comunidade centraron boa parte dos seus esforzos no deseño e lanzamento das súas campañas de aboados. Malia que cada proposta é (como se adoita dicir), do seu pai e da súa nai, a meirande parte comparten un nexo común: apelar ao sentimento e ao corazón para reforzar a tempada 2020/2021.
Pescados Rubén Burela “Agora, máis que nunca!”
Os auténticos afeccionados e afeccionadas saberán perfectamente todo o que se perdeu no 2020: a paixón por cantar e festexar os tantos do teu equipo, a sensación única de compartir, con outras centos persoas, un único espazo para gozar dun partido de futsal en directo, a morriña de sentir eses nervios antes de cada encontro…
Todo isto é o que Pedro, o protagonista da campaña de Pescados Rubén Burela FS, perdeu por mor do coronavirus. Tras meses sen poder vivir esas emocións, o rapaz acude, xunto aos seus pais, a facerse socio para a tempada 2020/2021. Nin sequera as palabras do traballador do despacho, que lle advirte sobre posibles “restricións no pavillón” pola situación sanitaria, o botan para atrás. A peza remata, precisamente, cun “Agora máis que nunca” que se antolla mesmo heroico.
ℯℯ́ℴℴ
́ !
Campaña de socios 20/21 https://t.co/rqFEL4Orf6#Burela #FamiliaLaranxa pic.twitter.com/JlwLKtWYc0
— Pescados Rubén Burela FS (@burelafs) September 23, 2020
́ !
Reserva o teu abono se eras soci@ na tempada 20-
⚠️ O prazo de reserva remata mañá, de setembro [. horas]ℹ️ https://t.co/rqFEL4Orf6#Burela #Futsal #SomosFutsal #RFEF #FutsalHeart pic.twitter.com/Z63OMCCYRk
— Pescados Rubén Burela FS (@burelafs) September 24, 2020
Viaxes Amarelle: “Hoxe máis ca nunca, precisámosvos”
Na mesma liña, pero involucrando aínda máis á súa afección, atópase a iniciativa de Viaxes Amarelle FSF. Baixo o lema “Hoy más que nunca, os necesitamos”, deseñaron unha campaña na que os seareiros e seareiras se conciben como un membro máis do equipo, unha idea que se reafirma na seguinte frase: “Lo mejor del trabajo en equipo es que siempre tienes a otros a tu lado”.
OS NECESITAMOS ‼️
Muchos ya os habéis ofrecido a aportar vuestro granito de ayuda. Estamos seguros de que entre todos, podemos crecer y mantenernos en lo más alto.#TrabajamosEnEquipo #Socios2021 #HoyMasQueNunca #OsNecesitamos
* Hazte socio en https://t.co/sRRDjzh2kH pic.twitter.com/EEJNxyYu6g
— Viaxes Amarelle FSF (@amarellefsf) August 5, 2020
Ourense Envialia: “Faite socix! Queremos verte axiña! E sorrir!”
Ás veces, non fai falla unha idea complexa para chegar ao público. De feito, en moitas ocasións, as mensaxes directas e curtas agóchanse detrás dos maiores éxitos. Sen saír do fútbol sala, o Ourense Envialia apostou por esta tónica cunha frase que resume, á perfección, o que moitos e moitas sinten cando gozan do seu deporte favorito: “¡Hazte socix! ¡Queremos verte pronto! ¡Y sonreír!” Estas mensaxes acompáñanse de condicións especiais para as persoas aboadas, entre as que se inclúe o acceso preferente ao recinto en caso de restricións de aforo pola COVID-19.
O basket feminino, preparado para unha nova batalla en Lugo
Empregar metáforas que vencellan a práctica deportiva cunha especie de batalla nunca pasarán de moda. E se non, que llo pregunten ao Ensino Lugo.
O club de baloncesto centrou o seu slogan de captación de masa socia en dúas ideas claras: #SomosEquipo e #VoltaráLoita.
O conxunto lucense preparou unha peza que conta coa participación dalgunhas das súas xogadoras máis veteranas, así como das futuras promesas do equipo. Con este vídeo, preséntase, non só o pasado “inigualable” do club, senón tamén un futuro “prometedor” e un presente “do que desfrutar”.
Campaña de abonados 2020/21
Hazte socio/a del #Ensino para la temporada 2020/21. En los puntos habituales y en la tienda online.https://t.co/bUyelNKvGr
ℹ️COVID-19
Todos los socios del año pasado tendrán un descuento del 10% automático.#SomosEnsino | #VoltaráLoita pic.twitter.com/aDDOl8Uh4j— Ensino Lugo (@EnsinoLugoCB) September 23, 2020
Máis aló da emotividade, a campaña de socios e socias do Durán Maquinaria Ensino Lugo é tamén unha especie de premio á súa afección máis fiel. Tanto así, que ofrecen un desconto ás persoas aboadas na pasada tempada.
A ‘Revolta’ das guerreiras do BM Porriño
Unha idea similar tiveron máis a o sur de Galicia, no Conservas Orbe Rubensa Club de Balonmano Porriño. Nesta ocasión, para captar masa social, as propias integrantes do conxunto pontevedrés convértense nas protagonistas da iniciativa, conxugando dúas facetas: a de xogadores e a de guerreiras. Elas inician un Revolta para ter aboadas nesta tempada.
As redes sociais do equipo publicaron xa un vídeo do make-off desta campaña, na que a tempada se presenta como unha revolta.
Para as persoas máis curiosas, animámosvos a vos pasar pola conta de Instagram do Conservas Orbe Rubensa BM Porriño e pinchar no conxunto de stories destacadas que presenta o making off da campaña.
Unha tempada de cine para o Arenal Emevé
Non todos os equipos apostaron pola emoción para as súas campañas de aboados. Algúns, como o equipo de voleibol Arenal Emevé tiraron do humor como a súa mellor arma para captar a atención de futuros socios e socias.
A orixinalidade e o esforzo do club plásmase tanto no slogan como nas diferentes publicacións que o equipo fai nas súas redes sociais. “Un Arenal Emevé de película para unha tempada de cine” esta idea xunto á silueta Oscar de Hollywood sustentan a idea forza da campaña.
Podería verse como unha frase feita, pero o certo é que o conxunto tomou esta expresión ao pé da letra. Como? Facendo que as súas xogadoras fosen estrelas por un día. Os rostros das súas deportistas substituían aos dos protagonistas de carteis de coñecidas películas e series. Xa o sabedes, as carátulas de ‘House of Cards’, ‘Mulan’ e ‘Los Otros’ ofrecen, desde agora nas redes sociais do Arenal Emevé de Lugo, unha imaxe completamente diferente. Así as Sara Urrea, María Sanjurjo e compañía aparcaron por un tempo os bloqueos e os remates, pousaron no chan a pelota de voleibol e sorriron á camara para seren actrices de excepción.
Das simpáticas fotomontaxes non se libraron nin as membras da directiva. En los espacios sociales del club se proponía a la afición reconocer la película que se escondía tras el falso cartel con protagonista lucense.
Visto o visto, semella que nunha tempada marcada pola COVID-19, os equipos apostaron pola imaxinación e a creatividade como ingredientes principais das súas propostas. En As Nosas cremos que o esforzo pagará a pena, e que nun ano no que as deportistas precisan, máis que nunca, aos seus seareiros e seareiras, estes e estas abandeirarán, aínda máis se cabe, as súas cores.
