O Conservas Orbe Rubensa Porriño xa ten pechado os eu plantel para a próxima campaña na máxima categoría do balonmán feminino español, a Liga Guerreras Iberdrola. A última incorporación é a extremo brasileira, Thais Fermo.
A xogadora, de 25 anos, vén de xogar no equipo brasileiro FAG e será a primeira vez que xogue fóra do seu país. Ademais, Thais Fermo ten experiencia no ámbito internacional ao ser convocada en diversas ocasións coa Selección Brasileira de balonmán.
Tras a súa fichaxe, a xogadora admite que entre as razóns de decidir fichar polo conxunto porriñés están: “é un club que me deu moita confianza e transmitiume seriedade no seu traballo. Ademais, da posibilidade de evolucionar”.
Entre os seus obxectivos de Thais Fermo atópanse: “quero evolucionar xunto co equipo e chegar ao primeiro lugar. As expectativas son as mellores posibles, estou a dedicarme moito.” Tras disputar o Torneo Concello de Mos e o amigable contra a Aula Alimentos Valladolid, Thais Fermo ten sensacións moi boas para esta nova tempada “en cada amigable vexo unha evolución. Creo que, se seguimos así e axustamos os erros, chegaremos lonxe”.
Ismael Martínez: “Thais Fermo ten unhas cualidades atléticas incribles”
Ismael Martínez, primeiro adestrador do Conservas Orbe Rubensa Porriño, explicaba sobre Thais Fermo que “é unha xogadora que nos recomendou Jorge Dueñas, vímola e a verdade que nos convenceu desde o primeiro momento”.
O técnico Ismael Martínez cre que acertaron de cheo con esta última incorporación: “estamos contentísimos. Creo que vai ser un xogadora determinante na liga, porque fisicamente é moi boa e ten unhas cualidades atléticas incribles”.
O técnico Ismael Martínez di sobre a brasileira Thais Fermo: “Ofensivamente ten unha capacidade de salto moi grande e unha marxe de mellora no lanzamento tamén enorme”
No aspecto técnico vai poder achegar tanto en defensa “entendemos que tanto nos pode dar nun dous como nun avanzado” como en ataque “ofensivamente ten unha capacidade de salto moi grande e unha marxe de mellora no lanzamento tamén enorme. Vai dar moitísimo riqueza á hora da subida de transición e imos poder ter descansadas ás nosas centrais que é algo que levabamos buscando bastante tempo”.
Ismael Martínez, adestrador do BM Porriño, opina que Thais Fermo: “Vai dar moitísimo riqueza á hora da subida de transición e imos poder ter descansadas ás nosas centrais que é algo que levabamos buscando bastante tempo”
