As atletas da Sociedad Gimnástica de Pontevedra volveron cruzar a fronteira para competir e comprobar o seu nivel. Esta vez o escenario foi o Estadio Municipal de Vagos, en Aveiro, Portugal. As catro deportistas que se desprazaron ata alí foron Lucía Ferrer e Cristina Garrido para competir en 100 ml; e Marta Barragáns e Raúl Cortizo, que o fixeron en salto de lonxitude e en 100 ml.
O obxectivo volvía ser o mesmo que o do 15 de xullo en Braga, que as atletas empecen a contactar co tartán e comprobar o seu nivel para adaptar os adestramentos para a nova tempada que empeza en setembro.
Cristina Garrido e Lucía Ferrer sairían na mesma serie de 100 ml. A primeira chegaría á meta cun rexistro de 12,60 e a segunda faríao en 12,80.
Marta Barragáns e Raúl Cortizo compartirían as probas. En salto de lonxitude, ambos quedaron lonxe das súas mellores marcas; xa que Marta saltou 4,99 m e Raúl alcanzou o 6,55m. Con todo, en velocidade, achegáronse máis aos seus mellores rexistros. Barragáns cruzou a liña de meta en 13,69 s e Cortizo en 11,40.
Os catro atletas volveron a Pontevedra con boas sensacións e con ganas de seguir competindo.
