No último Consello da A Xunta de Galicia facíase público o acordo polo que se autoriza a sinatura do convenio de colaboración entre a Consellería de Presidencia, Xustiza e Deportes e a Fundación Amare Terra “para a posta en marcha da plataforma Terra Move destinada ao ecosistema deportivo galego, cun investimento de cincocentos sesenta mil euros (560.000,00 €)”.
Explican desde a administración autonómica que coa nova “plataforma Terra Move, clubs e federacións poderán lanzar campañas de mecenado e captar fondos con apoio e asesoramento”.
Nas súas redes sociais a Xunta recolle que esta nova plataforma, Terra Move, “impulsará o mecenado deportivo. As entidades recibirán asesoramento e xestionarán directamente as doazóns. As persoas e empresas doadoras terán beneficios fiscais” e tamén informan da intención de prestar un “especial apoio ao tecido máis pequeno e ao deporte con menos visibilidade”
Segundo apuntan desde a Xunta de Galicia o deporte galego vive un momento histórico: 320.000 licenzas e máis de 1.500 deportistas de alto nivel.
