Vinte anos na elite, e sexta vez nos Xogos Olímpicos. Estas son as cifras que resumen a carreira deportiva de Teresa Portela, unha piragüista histórica. Coa súa primeira posición no selectivo de K1 200, a de Cangas ten asegurado o seu billete aos Xogos de Toquio.
“Que podo estar nos meus sextos xogos!”, exclamaba a deportista, visiblemente emocionada tras a fazaña. “Son máis de 20 anos na elite e dise rápido seis xogos pero é duro manterse durante tantos anos e agora mesmo pensar en que estareis nos meus sextos xogos”, engadía.
Portela, a española con máis clasificación olímpicas
Estar máis dun ano e medio sen competir non foi un impedimento para Portela, que acadou o ouro na final no campionato para clasificarse para Toquio 2021.
Aos seus 38 anos é a española con máis clasificacións olímpicas, e esta sexta participación chega 21 anos despois do seu debut como olímpica, en Sidney 2000.
Malia que xa ten a mente posta neste verán, a piragüista asegura que “para min poder estar nesta cita é a miña gran medalla”. Tamén tivo palabras de agradecemento para “a xente que me acompaña e me apoia”.
⚫️ x 6️⃣JJOO
A partir de hoy puedo pensar en nuevo objetivo ➡️ Tokio
Estoy súper contenta de haber ganado este selectivo que me da el pasaporte para mis sextos Juegos Olímpicos. Un orgullo poder representar a mi país
Ramón Leiro. La Voz de Galicia pic.twitter.com/iKu3k5wQ9w
— (@teriportela) April 9, 2021
Revive o momento da vitoria e acceso aos Xogos de Tokio 2021, da man da TVG.
♀️ Este é o momento do triunfo de @teriportela que lle daba o pasaporte para @Tokyo2020es, os seus sextos xogos
No pantalán estaba a súa familia para felicitala‼️ @federaciongapi @RFEPiraguismo @COE_es pic.twitter.com/cfowdN7AiY
— En Xogo tvG2 (@EnXogo_tvG2) April 9, 2021
O camiño a Toquio
Despois de obter en 2019 a plaza de clasificación olímpica para España co K1 200, Portela asegurouse a titularidade da mesma no selectivo celebrado no campo de regatas de Verducido (Pontevedra).
Segundo informa a Real Federación Española de Piragüismo, a canguesa impúxose na final cun tempo de (42s.292), e foi seguida da asturiana Sara Ouzande (42s.629) e pola castelán-leonesa Mirella Vázquez (43s.972). Fóra do podio quedaron a tamén galega Lara Feijóo (44s.172), a madrileña Elisa Zapata (44s.386) e a extremeña Teresa Tirado (45s.882).
Coa súa sexta clasificación para os Xogos Olímpicos, Portela apunta a repetir os éxitos que a levaron ao máis alto en Río 2016, onde o piragüismo obtivo 4 das 16 medallas españolas.
Este verán incluirase no excepcional palmarés da galega, que conta con 15 medallas en mundiais, 17 en europeos, e os diplomas olímpicos que lle concenden unha cuarta posición en Londres 2012, unha quinta en Atenas 2004 e en Pequín 2008 e unha sexta en Río 2016.
