- A Gala do Piragüismo galego ABANCA repartiu 73 premios para palistas, técnicos e clubs das catro provincias galegas.
- O momento máis emotivo da Gala foi a entrega dos galardós as e os deportistas olímpicos coa gran raíña do piragüismo galego: con Teresa Portela, xunto a canguesa estiveron Rodrigo Germade, Carlos Arévalo e o deportista paralímpico Adrián Mosquera.
- O peso desta disciplina como deporte en Galicia e no ámbito estatal, resúmese en tres medallas e un diploma olímpico, decenas de medallas en mundiais e europeos
- A Federación Galega de Piragüismo, ademais, segue a bater rexistros de licencias.
O Auditorio Afundación de Vigo foi o espléndido marco que acolleu na tarde do sábado unha histórica Gala do Piragüismo Galego, nesta ocasión en encadrada no acontecemento referente da náutica española, a Semana Abanca que organizaron a Federación Galega de Piragüismo, o Club Marítimo de Vigo e o Club de Piragüismo Olívico.
Os momentos de maior expectación sen dúbida vivíronse cando Teresa Portela, a única deportistas española que xa participou en seis Xogos Olímpicos de Toquio 2021, recibía o seu galardón acompañada polas tamén medallas olímpicas: o cangués Rodrigo Germade, o betanceiro Carlos Arévalo, o paralímpico rianxeiro Adrián Mosquera, e o diploma olímpico Antía Jacome (que recibía a súa nai, por serlle imposible vir á Gala).
Os galardóns fóronlles entregados polo concelleiro vigués Manel Fernández, por José Ramón Lete Lasa como secretario do deporte galaico, José Alfredo Bea máximo responsable do piragüismo en Galicia, Walter Alvarez, representante da Semana Abanca e polo novo presidente da Española de Piragüismo, o asturiano Javier Hernanz. O alcalde de Vigo, Abel Caballero, abriu o acto.
Diego Viaño da Televisión de Galicia, foi o encargado de levar a batuta nunha Gala na que se entregaron en total 73 galardóns. Non foi por que o xurado abrise a man, senón polo importantísimo momento que vive este deporte en Galicia: tres medallas olímpicas, un diploma olímpico, quince medallas en mundiais e outras tantas en europeos, falan por si mesmas.
O primeiro galardón da tarde era para o Club Náutico Firrete de Pontedeume, como campión da liga Provinicial da Coruña, ao que seguían os outros vencedores Fluvial de Lugo, Fluvial de Avión-Castrelo de Miño ourensán e o pontevedres Club Breogán do Grove.
Tras eles os campións de Kaiak comezando polo ferrolán Polo Copacabana, como absoluto de Kaiak Polo pola súa banda os clubs de Cambados e Vigo facíanse cos outros campionatos da especialidade.
En augas bravas os mellores eran o Penedo de Tui e a Montaña Quixós de Monforte, mentres que as ligas por idades eran para Fluvial de Lugo, Ría de Betanzos, Cidade de Pontevedra, Náutico Pontecesures e Fluvial de Avión. O Cidade de Pontevedra obtiña a vitoria en seis dos apartados.
Marta Felpeto, Tania Fernández, Tania Álvarez e Nerea Alonso, premiadas na Gala do Piragüismo Galego
De aí ao seguinte bloque con mención para Marta Felpeto por ser xuíz en Tokio, os medallistas no mundial de maratón: Romeu, Campos, Tania Fernández, Tania Alvarez, Ivan Alonso e Jaime Douro, ou os europeos Valeria Oliveira, Pablo Crespo, Ivan Fernández e Xoel García. E pechando a quenda recibiron os seus galardóns os medallistas europeos con outra longa lista de deportistas premiados.
No apartado de mencións, Xacobeo levaba o máis descatacado como patrocinador, premio que recibía Nava Castro, directora da axencia de turismo galega, así como Coca Cola e Murimar. No apartado de medios eran Marca e Faro, os distinguidos nesta ocasión, mentres que completaban recoñecementos varios este grupo: caso ao Fluvial de Lugo, o Cidade de Pontevedra ou ao Fluvial O Barco.
Xa na recta final foi recoñecida o labor de Nerea Alonso como árbitra galega, Miguel Angel Villanueva adestrador do Cidade de Pontevedra, Daniel Brage preparador de Teresa Portela ou Padín, que o é de varios olímpicos. Completaron a longa lista os medallistas xuvenís en mundiais e europeos, e a numerosa foto de familia. Unha Gala para non esquecer, polos numerosos éxitos dos nosos piragüistas de gran calado que se congregaron na edición 2021 no Auditorio Afundación de Vigo.
