Hoxe, unha padexeira de Cangas fixo historia. Teresa Portela colgouse por primeira vez unha medalla olímpica, acadando a prata no K1 200 de piragüismo.
Cun tempo de 38.883, a moi pouco da campioa, a neozelandesa Carrington, a nosa padexeira foi quen de subir ao podio. Despois de dúas décadas na elite, desde que debutou como olímpica en Sidney 2000, Portela ten o seu premio.
Ao remate da proba, a deportista aseguraba estar “Feliz. Porque quen a segue a consegue. Levo moitos anos intentando loitar por esa medalla. Esta proba é tan difícil, hai poucas milésimas que nos separan pero finalmente conseguino”.
🥈🇪🇸 ¡MEDALLA! ¡MEDALLA! ¡MEDALLA! ¡MEDALLA! 🇪🇸🥈
🚣🙌 Teresa Portela logra la PLATA en K1-200M y da a España el OCTAVO metal en #Tokyo2020
A la sexta fue la vencida… 21 años después de debutar en Sidney… ¡ERES LEYENDA @teriportela! 👏👏 pic.twitter.com/BO3WTIZkXE
— Eurosport.es (@Eurosport_ES) August 3, 2021
Unha xornada para recordar
A padexeira comezou o día competindo na semifinal 1 do K1 200, proba á que accedeu como primeira clasificada das series.
Nesta semifinal, a galega foi cuarta clasificada, empatando coa sueca Stensils, cun tempo de 38.858, a 0.731 da vencedora, Carrington.
Chegada a hora da verdade, Portela non defraudou, e demostrou o seu altísimo nivel dándoo todo nas augas niponas. Co seu resultado, a nosa olímpica quedou en segundo lugar e resultou por fin medallista.
Coa súa prata, a de Cangas é a segunda galega en colgarse unha medalla nestes Xogos. Antes dela o fixo Ana Peleteiro, bronce en triplo salto.
De gallega a gallega, de medallista a medallista.
Ayer, en la villa, @apeleteirob 🥉 deseaba todo lo mejor a @teriportela.
Hoy ambas son medallistas olímpicas #Tokyo2020
Enhorabuena, @teriportela 🥈. Eres un ejemplo para todos. #ElCorazónDeEspaña pic.twitter.com/EclCz2i5N7
— atletismoRFEA (@atletismoRFEA) August 3, 2021
