Dúas Teresa Portela citaranse na semifinal 1 do K1 200. Ademais da padexeira galega, que está a participar nos seus sextos Xogos Olímpicos, ao outro lado da raia a súa homónima tamén aspira a chegar á final de piragüismo.
A de Cangas, de 39 anos, estreouse como olímpica no ano 2000, en Sidney, e desde entón non faltou a ningúnha cita dos Xogos. En total, participou dúas veces no K1 200, outras dúas no K1 500, dúas no K4 500 e unha no K2 500.
Ademais, a nosa Portela participou en campionatos europeos e mundiais, acadando 17 medallas nos primeiros e 15 nos segundos.
Pola súa banda, a padexeira portuguesa, de 33 anos, competiu por primeira vez nuns Xogos no 2008, en Pekín, repetindo en Londres e en Río. Nesta edición, ademais do K1 200, a lusa competirá tamén no K1 500.
A Portela do outro lado da raia tamén é habitual nos europeos e mundiais. Neste último, na edición do 2021, quedou sétima clasificada.
O pase ás semis das Portela
Nas eliminatorias, a galega foi campioa do seu grupo, logrando o pase directo á semifinal 1 deste martes.
Cun tempo de 40.812, a española foi a mellor clasificada nunha proba que dominou de principio a fin.
Pola súa banda, a portuguesa foi a segunda clasificada da súa serie, cun tempo de 42.050, a 0.362 da china Yin. Con esta marca, logrou tamén o pase á semifinal.
Este martes, 3 de agosto, desde as 02:30 horas en España, 01:30 horas en Portugal, as dúas padexeiras citaranse no Sea Forest Wateraway,
