A centrocampista Teresa Abelleira é a única futbolista galega que entra na convocatoria do seleccionador español Jorge Vilda para o stage que España desenvolve antes do Mundial de Australia e New Zealand. Na lista de convodadas, ademais da xogadora do Real Madrid, están tamén dúas ex futbolistas do Dépor ABANCA, a cancerbeira Misa e a dianteira Athenea del Castillo.
🤓 ¿Hemos acertado?#JugarLucharYGanar https://t.co/MGYZsviZHS pic.twitter.com/h7g31gkIaq
— Selección Española Femenina de Fútbol (@SEFutbolFem) June 21, 2023
Jorge Vilda deu a coñecer ás futbolistas seleccionadas para esta primeira convocatoria antes da Copa do Mundo
No salón Luís Aragonés da Cidade do Fútbol de Las Rozas presentouse a lista de xogadoras para a preparación do Mundial de Australia e New Zealand. Jorge Vilda escolleu a 30 futbolistas para arrincar a concentración en España antes de partir cara a Dinamarca e, posteriormente, viaxar cara ao continente oceánico.
📸👊
Una foto de equipo ganador por aquí. #JugarLucharYGanar pic.twitter.com/mu4uzWi4x5
— Selección Española Femenina de Fútbol (@SEFutbolFem) June 20, 2023
Estas 30 futbolistas están levando a cabo un stage en Benidorm, desde o 19 e ata hoxe, 23 de xuño. O plan é que se despracen a Asturias o día 27 para o encontro amigable diante de Panamá en Avilés, que se celebrará o 29 ás 21:00 horas no Estadio Román Suárez Porta. Será o único encontro da Selección Española Feminina no noso país. Na lista está Teresa Abelleira como única galega. Esta vez non houbo chamada para outra galega que ten sido convocada por Vilda, Nuria Rábano.
| POSICIÓNS | XOGADORAS |
|---|---|
| GARDAMETAS | Catalina Tomás Coll Lluch Elene Lete Para María Isabel Rodríguez Rivero Enith Salon Marcuello |
| DEFENSAS | Ivana Andrés Sanz Ona Batlle Pascual Olga Carmona García Laia Codina Panedas Jana Fernández Velasco Rocío Gálvez Luna Sheila García Gómez Oihane Hernández Zurbano Irene Paredes Hernández |
| CENTROCAMPISTAS | Teresa Abelleira Dueñas Fiamma Benítez Iannuzzi Aitana Bonmatí Conca Irene Guerrero Sanmartín Jennifer Hermoso Fuentes Maite Oroz Areta María Pérez Rabaza Alexia Putellas Segura Claudia Zornoza Sánchez |
| DIANTEIRAS | María Francisca Calndentey Oliver Marta Cardona Miguel Athenea del Castillo Beivide María Inmaculada Gabarro Romero Esther González Rodríguez Eva María Navarro García Salma Celeste Paralluelo Ayingono Alba María Redondo Ferrer |
A zagueira Sheila García tivo que despedirse da concentración de Benidorm xa que non se recuperou dunha lesión que arrastraba desde abril. A xogadora do Atlético de Madrid padece unha rotura parcial do tendón rotuliano da que non se puido recuperar e por iso despediuse do grupo, segundo informa a RFEF. Seguirá coa súa recuperación en Madrid.
Jorge Vilda: “Todas as xogadoras que viñeron están comprometidas”
O seleccionador, Jorge Vilda, declaraba logo de dar a coñecer a lista de convocadas na que está a galega Teresa Abelleira: “Tiñamos moitas ganas de que chegase este momento. Por fin chegou. Estamos moi satisfeitos coa lista que conformamos. Incorpóranse xogadoras comprometidas, que fortalecen ao equipo. O grupo é o máis importante”.
Salientou Vilda o feito de que “todas as xogadoras que viñeron están comprometidas a loitar por facer o máis bonito que existe neste deporte: defender a camiseta do teu país”.
️ : “Lo importante es que las jugadoras de la lista están comprometidas con la selección”.#JugarLucharYGanar I #FIFAWWC pic.twitter.com/IOUffajLZ0
— Selección Española Femenina de Fútbol (@SEFutbolFem) June 12, 2023
O retorno da futbolista Alexia Putellas “é unha gran noticia”, tal e como aseguraba o seleccionador español. “Que Alexia se teña recuperado ben e que poida estar connosco nesta concentración é unha gran noticia. Queremos seguir axudándoa desde aquí e sabemos que ela vai axudarnos moito”, declaraba Vilda.
Jorge Vilda: “Que Alexia se teña recuperado ben e que poida estar connosco nesta concentración é unha gran noticia. Queremos seguir axudándoa desde aquí e sabemos que ela vai axudarnos moito”
Consultado sobre o momento de forma das futbolistas da Selección Española, manifestaba ante os medios: “Gañáronse nove dos 11 partidos que se xogaron desde setembro, empatouse un e perdeuse outro. Gañamos por primeira vez na historia a Estados Unidos e alcanzamos a mellor posición da historia no clasificación FIFA. O noso obxectivo é seguir escalando postos e con todas as xogadoras que viñeron, podemos conseguilo”.
Por último, sobre as aspiracións da Selección Española, da que forma parte Teresa Abelleira, Jorge Vilda aseguraba: “España é unha das aspirantes a este campionato, unhas das que van loitar. Temos moitísimas ganas de loitar e focalizarnos en cada partido. Imos ir a gañar cada enfrontamento e estamos a desexar xogar sete partidos. Temos a máxima ambición”.
