Na previa ao cruce da Selección Española contra Italia a futbolista galega Teresa Abelleira declarou ante os medios de comunicación que será difícil enfrontarse a elas: “Italia é un equipo forte e moi intenso. Sabemos que temos que saír moi concentradas desde o principio porque estarán metidas no partido os noventa minutos”, declaraba a xogadora do combinado español.
España medirase a Italia na 3ª xornada da UEFA Women’s Nations League. A tres da Selección Española, Teresa Abelleira, recoñeceu en rolda de prensa que non se considera do bloque máis veterano e que a día de hoxe continúa pedíndolle consello ás máis maiores: “Eu aínda teño moito que aprender e sigo pedíndolle consellos ás maiores”.
🗣️ @teresabelleira: “Todavía sigo pidiéndole consejo a las mayores, tengo mucho que aprender”.
📺 Completa en Youtube: https://t.co/Dei59nwXPN#JugarLucharYGanar I #UWNL pic.twitter.com/Hno5OFc6P8
— Selección Española Femenina de Fútbol (@SEFutbolFem) October 26, 2023
Finalmente a futbolista galega da Selección Española fixo fincapé no difícil que é entrar nunha convocatoria debido á gran competencia que hai no fútbol español: “Hoxe estamos 24 pero hai xente que queda en casa que pode estar aquí tamén, Cada vez é máis difícil estar nunha lista e é moi positivo para o fútbol español. Para as outras seleccións gañar ás campioas do mundo é un plus engadido, pero temos que demostrar por que somos as campioas do mundo”.
