A Selección Española de fútbol feminino citábase no Estadio ABANCA-RIAZOR para a disputa do sexto e último encontro da Fase de Clasificación para a Eurocopa de Suíza 2025 e venceu por 2-0 ao combinado belga con goles de Aitana Bonmatí e Teresa Abelleira.
O conxunto dirixido por Montse Tomé, chega xa matemáticamente clasificada para dito torneo tras derrotar a todos os seus rivais, agás o último partido, ante Chequia, na que a tranquilidade polo obxectivo alcanzado xogou unha mala pasada e rematou cun 2-1 final.
O rival a enfrontar, Bélxica, chega ao estadio herculino sen opcións de clasificación despois de perder por 0-3 ante Dinamarca, e co obxectivo de sacar algo máis positivo que o partido de ida con España, no que perdeu por 0 goles a 7, cun brillante partido de todas, sobre todo, de Salma Paralluelo, coa consecución dun hat-trick.
Este será o partido previo aos Xogos Olímpicos de París 2024, no que as campioas do mundo e da UEFA Nations League buscarán saír con boas sensacións de cara ao seu debut ante Xapón, o xoves 25.
A cita comezou cun homenaxe previo ás xogadoras Alexia Putellas, Irene Paredes e Jenni Hermoso pola conquista dos 100 partidos coa selección.
. . .#JugarLucharyGanar | #WEURO2025 pic.twitter.com/6ZNcMjiyiP
— Selección Española Femenina de Fútbol (@SEFutbolFem) July 16, 2024
España formou cunha alineación similar á última, cambiando unha xogadora por liña, como foi o caso da xogadora pontevedresa, Teresa Abelleira, ex-xogadora do Dépor ABANCA durante catro tempadas e actualmente atópase no Real Madrid CF, que tras disputar 63 minutos de partido ante Chequia, hoxe non formou no once inicial.
O partido comezaba con dominio abrumador do combinado español, mostrándose moi cómodo en campo rival, creando ocasións de perigo desde o inicio do partido.
A calidade na liña de medio campo de Alexia Putellas e Aitana Bonmatí habilitaba con creces os desmarques en banda de Athenea del Castillo e Eva Navarro, con finalizacións de gran mérito.
O conxunto vermello-amarelo contemporizou moi ben o xogo ata o punto de mermar por completo á selección belga, con escasos esbozos de perigo. As ocasión máis claras de perigo estiveron nas botas da ex-xogadora do Dépor ABANCA, Athenea del Castillo, e de Lucía García, a dianteira centro.
O equipo adestrado por Montse Tomé carcterízase polo seu bo xogo no medio campo, mandando o balón ás bandas, buscando a potenciación das laterais ata chegar a liña de fondo. Así foi como chegou o primeiro tanto do combinado español, Alexia mandando o balón a banda, onde a goleadora na final da Copa do Mundo, Olga Carmona, recibe e sae escopetada cara liña de fondo buscando o centro a Aitana Bonmatí, que marca de primeiras e abre o marcador no feudo herculino.
A partir de aí, a Selección Española seguiu xerando ocasións de perigo, tendo ata un longueiro, provocado por Lucía García, que buscaba o segundo antes do remate da primeira metade.
Unha vez cumpridos os dous minutos de desconto que deicidiu o equipo arbitral rumano, chegou o final dos primeiros 45 minutos.
Co comezo da segunda metade, ambas seleccións parten co mesmo once incial. Xa nos primeiros minutos, a selección segue co mesmo planteamiento da primeira metade, asfixiar ás belgas tocando horizontalmente, en busca dos destellos de calidade da última liña de ataque.
A dianteira, Lucía García, gozou doutra ocasión de perigo non podendo convertir o segundo do choque. O que é verdade e que o resultado non fai xustiza ao partido.
Tras disputar o primeiro terzo da segunda metade, chegan os primeiros cambios no encontro. No caso español, retirouse Eva Navarro, deixando o seu sitio a Oihane, en busca de frescura no ataque.
Saltou ao campo Teresa Abelleira
Riazor toleou co xogo da Selección Española, pero cunha clara petición, que entre ‘Tere‘. Montse Tomé cumpriu as súplicas da afición coruñesa e no minuto 70, entrou a da cidade do Lérez, Teresa Abelleira, que xusto falaba na previa que agardaba un gran ambiente en Riazor, e mellor imposible.
❝Espero un gran ambiente en Riazor. Es una afición que responde muy bien y que podamos superar el récord que se batió aquí❞
🗣 @teresabelleira, internacional con la @SEFutbolFem#WEURO2025 I #JugarLucharYGanar pic.twitter.com/VDy4N1nqv2
— Selección Española Femenina de Fútbol (@SEFutbolFem) July 15, 2024
O mellor aínda estaba por vir, nunha condución en zona de medio campo, a protagonista e aclamada hoxe, Teresa Abelleira, sorprendeu á cancerbeira belga, Lichftus, marcando un auténtico golazo desde case medio campo no tempo de desconto. A guinda perfecta no seu regreso a casa.
Montse Tomé: “O de Teresa Abelleira é talento natural. Como adestradora dis: “merécelo, na túa casa e coa túa xente”.
❝Lo de @teresabelleira es talento natural. Como entrenadora, dices: ‘Te lo mereces, en tu casa y con tu gente’❞
🗣 @montse_tome, seleccionadora nacional#WEURO2025 I #JugarLucharYGanar pic.twitter.com/gEyFdi1CBm
— Selección Española Femenina de Fútbol (@SEFutbolFem) July 16, 2024
Non houbo tempo para máis. A Selección Española xa coa mente nos Xogos Olímpicos de París 2024, agradece a afición coruñesa nun feudo de primeira categoría.
FICHA TÉCNICA
2) ESPAÑA: Coll; Ona Batlle, Codina, Aleixandri, Olga Carmona; Guijarro, Aitana Bonmatí, Alexia Putellas; Athenea Del Castillo, Eva Navarro e Lucía García. Para os cambios entraron Ohiane, Mariona, Reondo, Teresa Abelleira e Jenni Hermoso.
0) BÉLXICA: Lichtfus; Cayman, Tysiak, Kees, Deloose; Missipo, Vanhaeverma, Delacauw; Janssens, Dhont (Wijnants, min. 60) e Wullaert. Para os cambios entraron Wijnants, Detruyer, Janssen e Blom.
GOLES: 1-0: Aitana Bonmatí (min. 39). 2-0: Teresa Abelleira (min, 91).
EQUIPO ARBITRAL: Iuliana Demetrescu (Comité rumano) auxiliada por Mihaela Tepusa e Roxana Ivanov e Ana Maria Terteleac, todas do comité rumano.
INCIDENCIAS: Partido correspondente á xornada 6 da Fase de Clasificación para a Eurocopa 2025, disputado no Estadio ABANCA-Riazor na cidade da Coruña. O partido xogouse ás 19:00 da tarde televisado por Televisión Española. Un total de 16.650 persoas presenciaron o partido desde a bancada da cancha herculina.
Ver esta publicación en Instagram
