Teresa Abelleira estará no Mundial de fútbol defendendo a camiseta de España

• A futbolista galega Teresa Abelleira está incluída na lista definitiva de Jorge Vilda para o Mundial xunto coas ex deportivistas Athenea del Castillo e Misa.

O seleccionador español, Jorge Vilda, deu a coñecer ás 23 futbolistas seleccionadas que loitarán por alzar a Copa do Mundo este verán. Na lista de internacionais formarán parte do equipo que se desprace a Australia e New Zealand para disputar a terceira Copa do Mundo de España da historia está a deportista galega Teresa Abelleira. Tamén as ex futbolistas do Dépor ABANCA Athenea del Castillo e Misa. 

Jorge Vilda escolleu xa ás 23 futbolistas que tratarán de conquistar a estrela para a camiseta de España. Unha vez coñecida a convocatoria o seleccionador recoñecía que a convocatoria para o Mundial acabou de decidirse apenas unhas horas antes de anunciarse, valorando “todos os parámetros do que nos podemos atopar” en Australia e New Zealand.

O seleccionador estatal, Jorge Vilda comparecía ante os medios de comunicación, no auditorio José Vilalonga da Cidade do Fútbol de Las Rozas, despois de anunciar a lista de 23 xogadoras que representarán a España no Mundial de Australia e New Zealand. Vilda afirmou que foi “a lista máis difícil de decidir” da súa carreira: “A competencia era máxima, as decisións son por pequenos detalles e non hai nada que podamos dicir pouco positivo das xogadoras que se quedaron fóra, todo o contrario”. Nesa lista está a centrocampista galega Teresa Abelleira.

A valoración para conformar a lista definitiva chegou despois de todo o visto nesta concentración e tras o encontro de Avilés de onte. As últimas eleccións producíronse mesmo a mañá do venres, segundo detallou Jorge Vilda. “Esa noite, o corpo técnico durmimos moi pouco, no meu caso practicamente nada; valoramos todos os parámetros que nos poden chegar no Mundial e tomamos esta decisión”, explicou, antes de pedir que se valore “o nivel que teñen as 23” elixidas, máis aló de pensar nas que se quedaron fóra da convocatoria.

️ : “Ha sido la lista más complicada”.#JugarLucharyGanar I #FIFAWWC pic.twitter.com/vJAMDTyc8f

— Selección Española Femenina de Fútbol (@SEFutbolFem) June 30, 2023

Jorge Vilda quere poder contar con diferentes plans de partido

O adestrador da vermella, Jorge Vilda, profundou en que “con esta lista temos diferentes opcións”: “Temos un plan inicial, a España recoñecible, que quere presionar alto, que quere facer moitos goles… todo o mundo coñece o xogo de España e iso non vai cambiar; e, dentro dese plan, coas características das diferentes xogadoras podemos enriquecelo e varialo”, explicou o seleccionador.

️ : “Queremos hacer historia”.#JugarLucharyGanar I #FIFAWWC pic.twitter.com/r8Yhc6wpLr

— Selección Española Femenina de Fútbol (@SEFutbolFem) June 30, 2023

Respecto das capitanías, Jorge Vilda subliñou que “hai capitás e hai xogadoras que exercen liderado”; e destacou “o clima de compañeirismo e concordia” que está a detectar na concentración dentro do grupo. “O importante dun equipo é que estea unido e crea no que se transmite desde o corpo técnico, e así é, estamos a ter esta sensación”, comentaba, antes de explicar que “neste grupo hai 23 xogadoras que van empuxar e que son de presente e de futuro”.

️ : “Vamos a ganar los partidos”.

➡️ “Con las diferentes características de las jugadoras podemos jugar con distintos sistemas, pero nuestro estilo será el mismo”.#JugarLucharyGanar I #FIFAWWC pic.twitter.com/Rrs1f7dv1K

— Selección Española Femenina de Fútbol (@SEFutbolFem) June 30, 2023

Jorge Vilda pediu tamén que “todos vaiamos no mesmo sentido”, referíndose non só ás xogadoras e ao corpo técnico, senón tamén “ao staff e mesmo á prensa”, como forma de alcanzar algo importante no próximo Mundial de Australia e New Zealand. Despois dun encontro, o disputado en Avilés, no que as súas xogadoras venceron 7 a 0 a Panamá, Jorge Vilda sinalara que o equipo “vai chegar preparado e mentalmente convencido de que se pode facer algo grande”. Unha idea que repetiu en sala de prensa, a preguntas dos xornalistas, antes de sinalar que a súa ambición é máxima de fronte ao Mundial de fútbol feminino deste ano 2023.

️ : “El grupo está funcionando muy bien”.

➡️ “A partir de ahora empieza la recta final de la preparación”.#JugarLucharyGanar I #FIFAWWC pic.twitter.com/Mr7ZPXmUJ1

— Selección Española Femenina de Fútbol (@SEFutbolFem) June 30, 2023

Respecto a os rivais máis temibles neste Campionato do Mundo, Jorge Vilda destacou o potencial que teñen Seleccións como as de Australia, Estados Unidos, Inglaterra, Suecia ou Francia, entre outras, afirmando que, na súa opinión, “este pode ser o Mundial de Francia”.

España viaxa o martes para xogar con Dinamarca antes do Mundial

Tras disputar o primeiro duelo de preparación para a cita deste verán, a Selección Española Feminina de fútbol viaxará, este martes 4 de xullo de 2023, a Dinamarca para enfrontarse ao conxunto danés o mercores 5 de xullo ás 18:00 horas. O partido terá lugar no Gladsaxe Stadium antes de que a expedición da vermella parta cara a New Zealand.

España debutará no Mundial 2023 o 21 de xullo diante da Selección de Costa Rica, ese será o primeiro rival dun camiño que o combinado estatal espera que termine o 20 de agosto na finalísima.

CONVOCATORIA DE ESPAÑA PARA O MUNDIAL NA QUE ESTÁ TERESA ABELLEIRA

De la primera concentración hasta hoy, no sabéis las veces que soñé con este día…
Gracias a todas las personas que me acompañasteis para que se hiciese realidad. ❤️
¡ Nos vamos al mundial !@sefutbolfem pic.twitter.com/4hQs0p6gVG

— Teresa Abelleira (@teresabelleira) June 30, 2023