Tere Abelleira está na lista final de Montse Tomé para os Xogos Olímpicos de París 2024

• Na lista de 22 futbolistas que defenderán a elástica da Selección Española feminina de fútbol nos Xogos Olímpicos de París 2024 está a galega Tere Abelleira

A Selección Española xa ten elixido o equipo que competirá por primeira vez na historia nuns Xogos Olímpicos. Este mércores, ás 17:00 (hora peninsular española) dábase a coñecer a través das canles oficiais da Selección Española Feminina de Fútbol en redes sociais, a relación de xogadoras que viaxarán a Francia para representar a España na cita olímpica.

Tere Abelleira e outras 3 ex do Dépor ABANCA

Un total de 22 xogadoras (18+4) formarán parte da expedición da Selección Española Feminina de Fútbol que disputará por primeira nos Xogos. Nesa lista elaborada pola seleccionadora estatal, Montse Tomé, está a futbolista galega Tere Abelleira e outras tres ex futbolistas do Dépor ABANCA: Misa, Athenea del Castillo e María Méndez. 

O 17 de xullo, unha vez disputáronse os dous partidos de clasificación para a Eurocopa de 2025 diante da República Checa e Bélxica, dará inicio a concentración definitiva para os Xogos Olímpicos, pero non será ata o día 21 cando a Selección Española poña rumbo a Francia, concretamente a Nantes, para iniciar un o seu camiño cara os seus primeiros Xogos.

CONVOCATORIA DA SELECCIÓN ESPAÑOLA DE FÚTBOL PARA PARÍS 2024